સુરતમાં એક સિનિયર સિટિઝન વ્યકિતને દિલ્હી પોલીસનો અધિકારી હોવાનું ધમકી આપીને અને 2.50 કરોડના મની લોન્ડરીંગ કેસમાં ફસાવી દેવાની ધમકી આપીને 2 દિવસ સુધી ડિજિટલ એરેસ્ટ રાખવામાં આવ્યા હતા. આરોપીઓએ વૃદ્ધ પાસે તેમની FD તોડાવીને 16 લાખથી વધારે રકમ જમા પણ કરાવી દીધી હતી. વૃદ્ધે જ્યારે તેમના દીકરાને વાત કરી તો સુરતના સાયબર ક્રાઇમમાં ફરિયાદ નોંધાવવામાં આવી.
પોલીસે બેંક ખાતાને આધારે ભાવનગરથી પરમવીર સિંહ, રાજુ પરમાર અને કૃષ્ણા એમ 3ની ધરપકડ કરી છે. પરમવીર સિંહ બાસ્કેટ બોલનો નેશનલ પ્લેટયર છે અને તે સતત 6 વર્ષ સુધી અંડર-19માં રમી ચૂક્યો છે. પરંતુ પૈસા કમાવવાની લાલચમાં તે ગુનાખોરીના રવાડે ચઢી ગયો હતો. કૃષ્ણા અને રાજુ પરમારે તેમના બેંક એકાઉન્ટ પરમવીર સિંહને ભાડે આપ્યા હતા.