બિહારના કટિહારમાં, 22 વર્ષની છોકરી અને 60 વર્ષના પુરુષની પ્રેમકથા આખા પ્રદેશમાં ચર્ચાનો વિષય બની છે. ગામલોકોએ આ યુગલને એકાંત સ્થળે પકડી લીધા હતા. પરંતુ, વિરોધ કરવાને બદલે, તેમને મંદિરમાં લઈ ગયા અને લગ્ન કરાવી દીધા. આ યુગલ બે વર્ષથી પ્રેમ સંબંધમાં હતું. આ પ્રેમ સંબંધનો અંજામ ઝડપથી લગ્નમાં પરિણમ્યો. આ કહાનીનો એક વીડિયો હાલમાં સોશિયલ મીડિયા પર વાયરલ થઈ રહ્યો છે.
આ કહાની કટિહાર જિલ્લાના મણિહારી બ્લોકમાં આવેલી બાઘમારા પંચાયતની છે. અહીં, ગામના રહેવાસી 60 વર્ષીય સુગ્રીમ પાસવાનનું 22 વર્ષની મહિલા સાથે અફેર હતું. આ મહિલા પડોશી બોલિયા પંચાયતની રહેવાસી છે. આ યુગલ લગભગ બે વર્ષથી સંબંધમાં હતું. લગભગ 38 વર્ષનો તફાવત હોવા છતા બંને એક-બીજાની નજીક આવી ગયા હતા.
ગ્રામજનોના જણાવ્યા મુજબ, બંને વારંવાર મળતા હતા, જોકે તેમના પરિવારો અને બાકીના ગામના લોકો આ સંબંધથી અજાણ હતા. બુધવારે જ્યારે કેટલાક ગામલોકોએ બંનેને એકાંત સ્થળે એકસાથે જોયા ત્યારે આ અફેર સામે આવી ગયું. શરૂઆતમાં, ગ્રામજનોને આશ્ચર્ય થયું કે આટલી ઓછી ઉંમરની યુવતી ગામના 60 વર્ષના પુરુષ સાથે કેવી રીતે પ્રેમ કરી શકે છે. જોકે, જ્યારે ગ્રામજનોએ બંનેની પૂછપરછ કરી, ત્યારે કહાની વધુ રસપ્રદ બની ગઇ.
ગ્રામજનોએ આ દંપતીને પંચાયત સમક્ષ લાવ્યા. ત્યાં, મહિલા અને સુગ્રીમ પાસવાનની અલગથી પૂછપરછ કરવામાં આવી કે શું તેઓ પોતાની મરજીથી સાથે રહેવા માંગે છે. કોઈપણ ખચકાટ વિના બંનેએ કહ્યું કે તેઓ એકબીજાને પ્રેમ કરે છે અને લગ્ન કરવા માંગે છે. ત્યારબાદ, ગ્રામજનોએ નિર્ણય લીધો કે કારણ કે પોતાની મરજીથી સાથે રહેવા માંગે છે, તો તેમના લગ્ન કરાવી દેવામાં આવે.
થોડા સમયમાં જ ગામના મંદિરમાં તૈયારીઓ શરૂ થઈ ગઈ. એક પૂજારીને બોલાવવામાં આવ્યા, અને મંત્રોચ્ચાર સાથે લગ્નની વિધિ કરવામાં આવી. હાલમાં વાયરલ થઈ રહેલા આ ઘટનાના વીડિયોમાં મહિલા સુગ્રીમ પાસવાન પાસેથી મહિલાના સેંથામાં સિંદૂર ભરાવતી જોઈ શકાય છે ત્યારબાદ, તેણે તેના કપાળ પર ચાંદલો કર્યો અને હાથ જોડીને મંદિરમાં દેવતા સમક્ષ પ્રણામ કર્યા. લગ્ન બાદ બંનેએ મંદિરમાં આશીર્વાદ લીધા અને એકબીજાના ખભા પર હાથ રાખીને સાથે બહાર નીકળ્યા.
લગ્ન દરમિયાન મોટી સંખ્યામાં ગ્રામજનો હાજર હતા. કેટલાકે તેમના મોબાઇલ ફોનમાં વીડિયો રેકોર્ડ કર્યા, જ્યારે અન્ય લોકોએ ફોટા પાડ્યા. થોડી જ વારમાં, વીડિયો સોશિયલ મીડિયા પર વાયરલ થઈ ગયો. યુવતીએ કહ્યું કે, મેં મારી પોતાની ઇચ્છાથી આ લગ્ન કર્યા છે. અમારા પ્રેમ સંબંધ બે વર્ષથી વધુ સમયથી ચાલી રહ્યા છે. અમારા પરિવારજનોને કોઈ વાંધો નથી. સુગ્રીવે પણ આજ વાત કહી. યુવતીએ વધુમાં કહ્યું કે તે છેલ્લા બે વર્ષથી સુગ્રીવ પાસવાન સાથે પ્રેમમાં હતી. એકબીજાને સારી રીતે સમજે છે અને હવે લગ્ન બાદ તેમને કોઈ ચિંતા નથી. સુગ્રીવ પાસવાને પણ કહ્યું કે તેમને આખરે તેમના પ્રેમનું ફળ મળી ગયું છે; હવે બંને સાથે રહેશે.
આ અનોખા લગ્ન સમગ્ર પ્રદેશમાં ચર્ચાનો વિષય બની ગયા છે. સોશિયલ મીડિયા પર, લોકો આ ઘટના અંગે વિવિધ પ્રકારની ચર્ચાઓ કરી છે. જ્યારે કેટલાક તેને પ્રેમનું ઉદાહરણ ગણાવી રહ્યા છે, તો કેટલાક તેને આશ્ચર્યજનક નિર્ણય કહી રહ્યા છે. ગામમાં પણ, રહેવાસીઓ લગ્ન વિશે વિવિધ મંતવ્યો વ્યક્ત કરી રહ્યા છે કેટલાક દાવો કરે છે કે પ્રેમ કોઈ ઉંમર જોતો નથી, જ્યારે કેટલાક તેને નસીબનો ખેલ કહે છે.
ગામના ચૌરાથી લઈને શહેરના ચાના સ્ટોલ સુધી ચર્ચા છે કે પ્રેમની કોઈ ઉંમર હોતી નથી. આ લગ્નએ લોકોને વિચારવા મજબૂર કરી દીધા છે કે શું પ્રેમ ખરેખર ઉંમર, શારીરિક દેખાવ અને સામાજિક ધોરણોની સીમાઓને પાર હોઇ શકે છે. વાયરલ વીડિયોએ આ પ્રેમકથાને દૂર-દૂર સુધી પહોંચાડી છે. કટિહારના આ લગ્ન સોશિયલ મીડિયા પર લોકો માટે ચર્ચા અને હેરાનીનો વિષય બની છે.