લોકસભા ચૂંટણી માટે મતદાન ચાલુ છે. પરિણામ પણ જૂનના પ્રથમ સપ્તાહમાં આવશે. દરમિયાન, ઉત્તર પ્રદેશની એક બેઠકના ચૂંટણી પરિણામોને લઈને મોટી શરત લગાવવામાં આવી છે. 2-2 લાખ રૂપિયાની શરત અને એના માટે દસ્તાવેજ પર સહી પણ કરવામાં આવી છે. એક તરફ ભાજપના સમર્થકો છે તો બીજી તરફ સમાજવાદી પાર્ટીના સમર્થકો છે. શરત બદાયું જિલ્લાના બે વકીલો વચ્ચે છે. સત્યેન્દ્ર પાલ અને દિવાકર વર્મા. આ બાબતની ખૂબ ચર્ચા થઈ રહી છે.
.jpg?w=1110&ssl=1)
ભાજપે બદાયું સીટ પરથી દુર્વિજય સિંહ શાક્યને પોતાના ઉમેદવાર બનાવ્યા છે. બીજી તરફ શિવપાલ યાદવના પુત્ર આદિત્ય યાદવ સમાજવાદી પાર્ટી તરફથી મેદાનમાં ઉતર્યા છે. કોણ જીતશે તે અંગે બંને વકીલો વચ્ચે સામાન્ય બોલાચાલી થઈ હતી જે થોડા સમય બાદ 2 લાખની શરતમાં ફેરવાઈ ગઇ હતી.
સત્યેન્દ્ર પાલ સમાજવાદી પાર્ટીના આદિત્ય યાદવ માટે ફેવર કરી રહ્યા છે. જ્યારે દિવાકર વર્માને ભાજપના દિગ્વિજય સિંહ શાક્યની જીતની આશા છે. શરત માટેના દસ્તાવેજ પણ તૈયાર કરવામાં આવ્યા છે.
સોગંદનામા પર બંને પક્ષના એક-એક સાક્ષીએ સહી કરી છે. જેમાં સ્પષ્ટ લખ્યું છે કે જે શરત હારી જશે તે બીજી વ્યક્તિને 2 લાખ રૂપિયા આપશે. તે પણ 15 દિવસમાં. જો ચૂંટણીમાં કોઇપણ પ્રકારની ધાંધલ ધમાલ થશે તો આ કોન્ટ્રાક્ટ રદ કરવામાં આવશે તેવું પણ લખવામાં આવ્યું છે.
કોન્ટ્રાક્ટમાં લખવામાં આવ્યું છે કે,દિવાકર વર્મા અને સતેન્દ્ર વર્મા વચ્ચે એવો કરાર છે કે જો ભાજપના ઉમેદવાર દુર્વિજય સિંહ શાક્ય જીતશે તો બીજી પાર્ટી પ્રથમ પક્ષને 2 લાખ રૂપિયા રોકડ આપશે અને જો સમાજવાદી પાર્ટીના ઉમેદવાર આદિત્ય યાદવ જીતશે તો પ્રથમ પક્ષને રૂ. પરિણામના 15 દિવસમાં 2 લાખ રૂપિયા રોકડમાં ચૂકવવાના રહેશે. આ કરાર સાક્ષીઓની હાજરીમાં કરવામાં આવ્યો છે.
બંને પક્ષકારોની સાથે તેમના બે સાક્ષીઓ એડવોકેટ પવન કુમાર અને એડવોકેટ વિશ્વનાથ મૌર્યએ પણ સહી કરી છે.
7મી મેના રોજ ત્રીજા તબક્કામાં ઉત્તર પ્રદેશનીની 10 લોકસભા સીટો પર મતદાન થશે. આ તબક્કામાં સંભલ, હાથરસ, આગ્રા, ફતેહપુર સિકરી, ફિરોઝાબાદ, મૈનપુરી, એટાહ, બદાયું બરેલી અને આમલા સહિતની મુખ્ય બેઠકો પર મતદાન થશે. ઉત્તર પ્રદેશમાં ભાજપે રાષ્ટ્રીય લોકદળ સાથે હાથ મિલાવ્યા છે જ્યારે સમાજવાદી પાર્ટીએ કોંગ્રેસ સાથે ચૂંટણી માટે ગઠબંધન કર્યું છે. આ સાથે જ બહુજન સમાજ પાર્ટીએ એકલા હાથે ચૂંટણી લડવાનો નિર્ણય કર્યો છે.