મહારાષ્ટ્રમાં BJPના નેતા પંકજા મુંડે અને તેમના પિતરાઈ ભાઈ ધનંજય મુંડે વચ્ચે લાંબા સમયથી રાજકીય સંઘર્ષ ચાલી રહ્યો છે. ગત મહારાષ્ટ્ર વિધાનસભા ચૂંટણીમાં NCP નેતા ધનંજયે પંકજાને હરાવ્યા હતા. ત્યારથી મહારાષ્ટ્રમાં ઘણું બદલાઈ ગયું છે. ધનંજય મુંડેને DyCM અજિત પવારની ખૂબ નજીક માનવામાં આવે છે અને તેઓ સત્તાધારી મહાયુતિ સાથે છે. ફરી એકવાર તેઓ પરલી બેઠક પરથી ચૂંટણી લડી રહ્યા છે. આ બેઠક પર તેમની બહેન સાથે સ્પર્ધા હોવાથી તેમને હવે પંકજાના સમર્થનની જરૂર છે.
પરંતુ એવું લાગે છે કે BJPના નેતા પંકજા મુંડે મહાગઠબંધનમાં NCP અને DyCM અજિત પવારથી બહુ ખુશ નથી. ત્યારપછી પંકજા મુંડેએ પરલીમાં આયોજિત દિવાળી સ્નેહ મિલન કાર્યક્રમમાં પોતાના સમર્થકોને સંબોધિત કરતી વખતે ધનંજયને એવી રીતે સમર્થન આપ્યું કે લોકો મૂંઝાઈ ગયા. તેમણે કહ્યું કે, ‘મને ધનંજયને સીટ વહેંચણીના સોદામાં (પાર્લી)આ મતવિસ્તાર મળવા અંગે કંઈ જ લાગતું વળગતું નથી, કારણ કે હું હવે MLC છું અને અમે એકબીજા સામે ઘણી શક્તિ ખર્ચી છે.’
ધનંજયની તરફેણમાં વોટ કરવાની અપીલ કરતાં પંકજાએ કહ્યું કે, ‘ધનંજય પર્લીના સીટીંગ ધારાસભ્ય છે. લોકો EVM પર BJPનું કમળનું પ્રતીક શોધશે. લોકોએ પોતાના મનમાં કમળ રાખીને ઘડિયાળનું બટન (NCPનું ચૂંટણી પ્રતીક) દબાવવું જોઈએ.’
મહારાષ્ટ્ર BJP વિધાન પરિષદના સભ્ય (MLC) પંકજા મુંડેએ જણાવ્યું હતું કે, રાષ્ટ્રવાદી કોંગ્રેસ પાર્ટી (NCP)ના ઉમેદવાર ધનંજય મુંડેની તરફેણમાં મતદાન કરવાની અપીલ કરતી વખતે, તેમને લાગ્યું કે, જાણે તેમનો વિદાય સમારંભ યોજવામાં આવી રહ્યો છે અને તેમને એક જવાબદારીમાંથી મુક્ત કરવામાં આવી રહ્યા છે.
BJP MLCએ કહ્યું, ‘ધનંજય મુંડે માટે વોટ માંગતી વખતે, મને એવું લાગે છે કે, જાણે હું કોઈ વિદાય પાર્ટી આપી રહ્યું હોય અને કોઈ એક જવાબદારીમાંથી મુક્ત થઈ રહી છું. મેં મારી ઈચ્છા વિરુદ્ધ લોકસભાની ચૂંટણી લડી હતી. હું મારી હાર પર રડી નથી, પરંતુ ત્યારે રડી કે જ્યારે મારી હાર પછી કોઈએ આત્મહત્યા કરી લીધી.’
પંકજા મુંડેએ કહ્યું કે, તેમણે બીડ લોકસભા સીટ પરથી તેમની ઈચ્છા વિરુદ્ધ ચૂંટણી લડી હતી અને તેમને પોતાની હારનું ખરાબ લાગ્યું નથી. પંકજા 2024ની લોકસભા ચૂંટણીમાં બીડમાં કોંગ્રેસના ઉમેદવાર બજરંગ સોનવણે સામે લગભગ 6500 મતોના માર્જિનથી હારી ગયા હતા. પંકજા મુંડે દિવંગત નેતા ગોપીનાથ મુંડેના પુત્રી છે.
મહારાષ્ટ્રમાં 288 વિધાનસભા બેઠકો માટે 20 નવેમ્બરે મતદાન થશે, જ્યારે મતગણતરી 23 નવેમ્બરે કરવામાં આવશે.
