મહારાષ્ટ્રમાં BJPની આગેવાની હેઠળની મહાયુતિની ભવ્ય જીત પછી CM પદને લઈને સસ્પેન્સ છે. બંધારણીય જવાબદારી મુજબ CMના શપથ 26મી નવેમ્બરે લેવાઈ જવા જોઈએ, પરંતુ મહારાષ્ટ્રના આગામી CM કોણ હશે? આને લઈને મુંબઈ, નાગપુરથી લઈને દિલ્હી સુધી રાજકીય ઉત્તેજના છે. મહાયુતિની અકલ્પનીય જીત પછી BJPના નેતા દેવેન્દ્ર ફડણવીસ CM પદની રેસમાં આગળ હોવાનું માનવામાં આવે છે, પરંતુ હજુ સુધી તેમના નામની જાહેરાત કરવામાં આવી નથી. કારણ કે મહાગઠબંધનમાં અન્ય બે ઘટકો શિવસેના અને NCP પણ છે. સૂત્રોનું માનીએ તો NCPએ DyCM ફડણવીસના નામનું સમર્થન કર્યું છે. નાગપુરમાં DyCM ફડણવીસને CM બનાવવાના પોસ્ટર લાગ્યા છે. એવું કહેવામાં આવી રહ્યું છે કે BJPના કાર્યકરોમાં પણ આવી જ લાગણી છે.
2019માં ઉદ્ધવ ઠાકરેના BJPથી અલગ થયા ત્યાર પછી ફડણવીસ CM બનવાથી વંચિત રહી ગયા હતા. ત્યાર પછી જ્યારે શિવસેનાના બે ભાગ પડ્યા, ત્યારે એકનાથ શિંદે CM બન્યા. ઈચ્છા ન હોવા છતાં દેવેન્દ્ર ફડણવીસ DyCM બન્યા. ચૂંટણી દરમિયાન તેમણે એ પણ ખુલાસો કર્યો હતો કે, તેઓ DyCM કેમ બન્યા હતા.
જ્યારે મહારાષ્ટ્રમાં પહેલા શિવસેના અને ત્યાર પછી NCPના વિભાજન થવા પર ફડણવીસ જ નિશાન બન્યા હતા, ત્યારે ઉદ્ધવ ઠાકરેએ તેમણે ચેતવણી આપી હતી કે, ‘ક્યાં તો તમે રહેશો કે હું રહીશ.’ મનોજ જરાંગેએ પણ ફડણવીસ પર જ હુમલો કર્યો હતો અને તેમની કારકિર્દી ખતમ કરવાની ધમકી આપી હતી. કોંગ્રેસ પ્રમુખ નાના પટોલેએ ફડણવીસની રાજકીય કુનેહ પર સવાલ ઉઠાવ્યા હતા. શરદ પવારે તેમને ‘અનાજી પંત’ કહીને તેમની જાતિ પર કટાક્ષ કર્યો હતો.
વિપક્ષી નેતાઓએ તેમની પત્ની અમૃતા ફડણવીસ પર હાસ્યાસ્પદ ટિપ્પણીઓ કરી હતી. બંને પક્ષોને તોડીને તેને પોતાની સાથે મેળવવા બદલ તેમની ટીકા થઈ હતી. ટૂંકમાં કહીએ તો તેઓ ટીકાનું કેન્દ્ર બની ગયા હતા.
DyCM દેવેન્દ્ર ફડણવીસે બધાનો સામનો કર્યો. તેણે પોતાનું સંયમ જાળવી રાખ્યું. લોકસભામાં હાર પછી પણ, તેમણે પોતાનું સંયમ જાળવી રાખ્યું અને તેમની ચાલ અને વ્યૂહરચનાઓને ખૂબ સારી રીતે ચલાવી અને વિધાનસભા ચૂંટણીમાં મહાયુતિ ગઠબંધનને રાજ્યના ઇતિહાસમાં સૌથી મોટી જીત અપાવી.
ફડણવીસે લોકસભામાં ખરાબ પ્રદર્શનની જવાબદારી સ્વીકારીને રાજીનામું આપવાની ઓફર કરી હતી. કેન્દ્રીય હાઈકમાન્ડના કહેવાથી તેઓ પદ પર બની રહ્યા હતા. આ પછી તેમણે BJPની રણનીતિને જમીની સ્તર પર સારી રીતે લાગુ કરી. ત્યાર પછી BJPના નેતૃત્વમાં મહાયુતિએ રેકોર્ડ બ્રેક જીત હાંસલ કરી હતી.
મહારાષ્ટ્રના રાજકીય વર્તુળોમાં એવી ચર્ચા છે કે, જો BJPનું કેન્દ્રીય નેતૃત્વ કોઈ બીજાને CM બનાવશે તો તેઓ 2019માં ઉદ્ધવ ઠાકરેની જેમ જનતાના જનાદેશને નકારવાની ભૂલનું પુનરાવર્તન કરશે. BJP નેતૃત્વએ યાદ રાખવું જોઈએ કે, મહારાષ્ટ્રની જનતાએ લોકસભા ચૂંટણી દરમિયાન દિલ્હીના નેતૃત્વ માટે પોતાનો ચુકાદો આપ્યો હતો. આ મોટો આદેશ મહારાષ્ટ્ર અને DyCM દેવેન્દ્ર ફડણવીસ માટે છે. BJPએ 2014માં મજબૂત મોદી લહેરમાં 122 બેઠકો અને 2019માં 105 બેઠકો જીતી હતી, પરંતુ લોકસભાની ચૂંટણીના પાંચ મહિના પછી DyCM ફડણવીસે રાજકીય પંડિતો માટે પણ અકલ્પનીય બાબત કરી બતાવી છે. BJPએ પોતાના દમ પર 132 સીટો જીતી છે. એક અપક્ષના સમર્થનથી પાર્ટીની સંખ્યા 133 થઈ ગઈ છે. CM શિંદે અને DyCM અજિતના પક્ષમાંથી કુલ 9 BJPના નેતાઓ જીત્યા છે. એટલે કુલ સંખ્યા 142 પર પહોંચી છે.
