હવે તમારું પાન કાર્ડ બદલાઈ જશે, કેન્દ્રનો નિર્ણય, શું હશે નવા કાર્ડની ખાસિયત?

તમારે લોન માટે અરજી કરવી હોય કે બેંક ખાતું ખોલાવવું હોય, ફ્લેટ ખરીદવો હોય કે પ્રોપર્ટી… પાન કાર્ડ આવશ્યક દસ્તાવેજોમાંનું એક છે. સરકારે આ પાન કાર્ડમાં મોટા ફેરફારો કર્યા છે. સોમવારે મોદી કેબિનેટની બેઠકમાં PAN 2.0 પ્રોજેક્ટને મંજૂરી આપવામાં આવી હતી. કેન્દ્રીય મંત્રી અશ્વી વૈષ્ણવે કહ્યું કે, સરકાર આ માટે 1435 કરોડ રૂપિયા ખર્ચ કરશે. નવું PAN કાર્ડ હાલના PAN કાર્ડ કરતાં ઘણું અદ્યતન હશે. 10 અંકનું PAN કાર્ડ એક એવું દસ્તાવેજ છે, જે આવકવેરા વિભાગ દ્વારા બહાર પાડવામાં આવે છે. તેને વધુ અદ્યતન બનાવીને સરકાર તેને વધુ સારું અને સુરક્ષિત બનાવવા માંગે છે. તેનો હેતુ ડિજિટલ સુરક્ષાને મજબૂત કરવાનો અને છેતરપિંડી અને ડેટા ચોરીની શક્યતા ઘટાડવાનો છે.

અશ્વિની વૈષ્ણવે જણાવ્યું હતું કે, PAN 2.0 પ્રોજેક્ટ એ એક E-ગવર્નન્સ પહેલ છે, જેનો ઉદ્દેશ્ય PAN/TAN સેવાઓને PAN પ્રમાણીકરણથી લઈને મુખ્ય અને નોન-કોર PAN/TAN પ્રવૃત્તિઓને સરળ અને સુરક્ષિત બનાવવાનો છે. તેમણે કહ્યું કે, અમારા પ્રોજેક્ટનું લક્ષ્ય કરદાતાઓને વધુ સારો ડિજિટલ અનુભવ પ્રદાન કરવાનો છે.

નવું PAN કાર્ડ જૂના કરતાં તદ્દન અલગ હશે. નવા પાન કાર્ડ પર QR કોડ હશે. આ માટે પેપરલેન એટલે કે ઓનલાઈન પ્રક્રિયા અપનાવવામાં આવશે. સૌથી મહત્વની વાત એ છે કે, લોકોએ આ માટે અલગથી પૈસા ખર્ચવા પડશે નહીં, લોકોએ QR કોડ સાથે PAN માટે અલગથી ખર્ચ કરવાની જરૂર નહીં પડે. સ્કેનર સાથે ફીટ કરાયેલા નવા પાન કાર્ડમાં ડેટા સંપૂર્ણપણે સુરક્ષિત રહેશે. લોકોએ QR કોડ સાથે PAN માટે અલગથી ખર્ચ કરવાની જરૂર રહેશે નહીં.

કેન્દ્રીય કેબિનેટે નવા PAN કાર્ડને મંજૂરી આપી છે, સરકારે PAN 2.0 પ્રોજેક્ટને મંજૂરી આપી દીધી છે. આ પ્રોજેક્ટનો ઉદ્દેશ્ય PAN કાર્ડને વધુ સુરક્ષિત બનાવવા અને કરદાતાઓના પરમેનન્ટ એકાઉન્ટ નંબર (PAN)ને તમામ સરકારી એજન્સીઓ માટે ‘સામાન્ય વ્યવસાય ઓળખકર્તા’ બનાવવાનો છે. આ સાથે, પાન કાર્ડની સારી ગુણવત્તા ઉપરાંત, તેની સેવાને વધુ સરળ અને ઝડપી બનાવવી પડશે. નવું પાન કાર્ડ જૂના પાન કાર્ડથી તદ્દન અલગ હશે. નવા PAN કાર્ડ એટલે કે PAN 2.0 માં, કાર્ડ QR કોડ સાથે આપવામાં આવશે.

અત્રે ઉલ્લેખનીય છે કે હાલમાં દેશમાં ફક્ત જૂના પાન કાર્ડનો ઉપયોગ કરવામાં આવી રહ્યો છે, જેનો ઉપયોગ 1972થી થઈ રહ્યો છે અને ઈન્કમ ટેક્સની કલમ 139A હેઠળ બહાર પાડવામાં આવે છે. જો આપણે દેશમાં પાન કાર્ડ ધારકોની સંખ્યા પર નજર કરીએ, તો 78 કરોડથી વધુ પાન બહાર પાડવામાં આવ્યા છે, જે 98 ટકા વ્યક્તિઓને આવરી લે છે. અહીં તમને જણાવી દઈએ કે PAN નંબર એ 10 અંકનો આલ્ફાન્યૂમેરિક ઓળખ પુરાવો છે, જે આવકવેરા વિભાગ દ્વારા બહાર પાડવામાં આવે છે. પાન નંબર દ્વારા, આવકવેરા વિભાગ કોઈપણ વ્યક્તિના ઓનલાઈન અથવા નાણાકીય વ્યવહારો પર નજર રાખે છે.