ગુજરાતના દાહોદમાં હાઇસ્પીડ ઇલેક્ટ્રીક રેલવે એન્જિન પ્લાન્ટ તૈયાર થઇ ગયો છે અને પ્રધાનમંત્રી નરેન્દ્ર મોદી 26 મે 2025ના દિવસે ઉદઘાટન કરવાના છે. આ પ્લાન્ટમાં 9000 હોર્સ પાવરનું સિંગલ એન્જિનવાળા 4 એન્જિન તૈયાર થઇ ગયા છે.
દેશમાં પહેલીવાર લોકોમોટીવ માટે એસી અને ટોઇલેટની સુવિધા આપવામાં આવી છે. આ એન્જિનની ઝડપ 120 કિ.મીની હશે. કુલ 21405 કરોડ રૂપિયાના ખર્ચે આ પ્લાન્ટ બનાવવામાં આવ્યો છે. જેમાં 10 વર્ષમાં 1200 એન્જિન બનાવવામાં આવશે.
દરેક એન્જિન પર D9 લખેલું હશે, જેમાં Dનો મતલબ દાહોદ અને 9નો મતલબ 9000 હોર્સ પાવર એન્જિન છે.
આ પ્લાન્ટને કારણે ગુજરાતને મોટો ફાયદો થશે. લગભગ 10000 લોકોને રોજગારી મળવાની છે. આઉટ સોર્સિંગ સાથે સંકળાયેલા લોકોને પણ ફાયદો થશે.