ગુજરાતના હવામાન વિભાગે કહ્યું છે કે, આમ તો ગુજરાતમાં ચોમાસું વહેલું આવવાની સંભાવના હતી, પરંતુ દક્ષિણ દિશા તરફ વરસાદ અટકી ગયો છે એટલે 15 જૂનની આજુબાજુ સત્તાવાર ચોમાસું બેસશે, પરંતુ ભારે વરસાદ 22 જૂન પછી શરૂ થશે.
હવામાન વિભાગે કહ્યું છે કે, જો કે 3 જૂનથી માંડીને 8 જૂન સુધી ગુજરાતના જુદા જુદા જિલ્લાઓમાં હળવાથી માંડીને મધ્યમ વરસાદ પડશે. ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં. પવન અને વીજળીના કડાકા ભડાકા સાથે વરસાદ પડશે. હવામાન વિભાગે કહ્યું છે, હવે ભારે ગરમી પડવાની શક્યતા દેખાતી નથી.
3 જૂનથી 8 જુન સુધી ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્રના મોટાભાગના વિસ્તારોમાં વરસાદ પડવાની સંભાવના છે.