એશિયાના સૌથી ધનિક અને રિલાયન્સ ઇન્ડસ્ટ્રીઝના ચેરમેન મુકેશ અંબાણીએ મુંબઇની જે કોલેજમાં ભણ્યા હતા ત્યાં 152 કરોડનું દાન કર્યું છે. મુકેશ અંબાણી ઇન્સ્ટિટ્યૂટ ઓફ કેમિકલ ટેક્નોલોજી (ICT)માં ભણ્યા હતા. આ કોલેજના પ્રોફેસર એમ એમ શર્માના જીવન ચરિત્ર ‘ડિવાઇન સાયન્ટિસ્ટ’ પુસ્તકના વિમોચન પ્રસંગે હાજર રહેલા અંબાણીએ કહ્યું હતું કે, પ્રોફેસર શર્માએ મને કહેલું, મુકેશ, તારે ICT માટે કઇંક મોટું કરવાનું છે. ગુરુના સૂચનનું માન રાખીને ગુરુ દક્ષિણા પેટે હું આ કોલેજને 152 કરોડ રૂપિયાના દાનની જાહેરાત કરુ છું. મુકેશ અંબાણીએ ICTમાં 3 કલાકનો સમય વિતાવ્યો.
અંબાણીએ કહ્યું કે, પ્રોફેસર શર્માએ ભારતના આર્થિક સુધારાના શિલ્પી તરીકે મહત્ત્વની ભૂમિકા ભજવી છે.પ્રોફેસર શર્મા 88 વર્ષના છે તેમની પાસેથી હું ઘણું શિખ્યો છું.