અમેરિકામાં તાજેતરમાં H.R. 2315 નામનું બિલ ત્યાંની સંસદમા રજૂ થયુ હતું. આ બિલમાં એવી દરખાસ્ત છે કે ઓપ્શનલ પ્રેકટીકલ ટ્રેનિંગ (OPT)ને ખતમ કરી નાંખવામાં આવે, જેથી અમેરિકન વિદ્યાર્થીઓને નોકરી મળે, વિદેશ વિદ્યાર્થીઓને નહીં. જો OPT પર પ્રતિબંધ આવશે તો લાખો ભારતીય વિદ્યાર્થીઓને મોટી અસર પડશે.
OPT પ્રોગામ હેઠળ જે વિદેશી વિદ્યાર્થીઓ અમેરિકા ભણે છે તેમને અભ્યાસ પુરો થયો પછી અમેરિકામાં 1થી 3 વર્ષ સુધી નોકરી કરવાની પરવાનગી છે. જો OPT હટી જાય તો ભારતીય વિદ્યાર્થીઓએ અભ્યાસ પુરો થયા પછી સીધું વતનની વાટ પકડવી પડશે.
જો કે જાણકારોનું કહેવું છે કે આ માત્ર હજુ બિલ છે. બિલ સંસદમાં પસાર થયુ નથી અને OPT ખતમ કરવું એટલું સરળ પણ નથી.