ગુજરાત વિધાનસભામાં સોમવારથી 3 દિવસનું ચોમાસું સત્ર શરૂ થયું જેમાં ફેકટરી અમેડમેન્ટ એક્ટ 2025 બિલ મંજૂર કરી દેવામાં આવ્યું. આમ તો કેન્દ્ર સરકારે આ બિલ મંજૂર કરીને રાજ્ય સરકારને મોકલી આપ્યું હતું. પરંતુ વિધાનસભાનું સત્ર નહોતું મળ્યું એટલે સત્તાવાર કાયદો નહોતો બન્યો.
નવા કાયદાની જોગવાઇ મજુબ હવે દિવસમાં 8 કલાકને બદલે 12 કલાક કામ કરવાની છૂટ મળી છે અને સપ્તાહમાં 48 કલાક જ કામ કરવાનું રહેશે.
જે કામદાર રોજ 12 કલાક કામ કરશે તેને સપ્તાહમાં 3 દિવસની સવેતન રજા મળશે અને ઓવરટાઇમ કરશે તો પગારથી બમણી રકમ મળશે. મહિલાઓને પણ રાત્રે કામ કરવાની છૂટ આપવામાં આવી. પરંતુ સવાલ એ છે કે, સરકાર આનો અસરકારક અમલ કરશે ખરી? બાકી ખાનગી કંપનીઓમાં તો આમ પણ 12 કલાક કામ લેવામાં આવે છે.