રાજસ્થાનના ચિતોડગઢ જિલ્લામાં આવેલા ભાદરોડા ગામમાં આવેલા સાંવરિયા શેઠ મંદિરની દાન પેટી દર વર્ષે અમાવસ્યાની પહેલી ચર્તુદશીએ દાન પેટી ખોલવામાં આવે છે. આ વખતે પણ દાન પેટી ખુલી તો ભક્તોએ દિલ ખોલીને દાનની સરવાણી વહાવી હતી.
મંદિરમાં 9 રાઉન્ડમાં ગણતરી કરવામાં આવી તો કુલ 28 કરોડ, 62 લાખ, 12 હજાર અને 206 રૂપિયા રોકડા નિકળ્યા અને 1 કિલો 270 ગ્રામ સોનું, 70 કિલો ચાંદી પણ દાન પેટીમાંથી નિકળી.
સાંવરિયા શેઠ મંદિર માટે એવી માનતા છે કે, જેટલું ભગવાનને ચઢાવો એનાથી ડબલ ભગવાન પાછું આપે છે અને એટલા આ મંદિર દુનિયાભરમાં પ્રસિદ્ધ છે.
મંદિરમાં જે લોકો ભેટ ચઢાવે તે અલગ ભેટમાં કુલ 4 કરોડ 75 લાખ અને 565 ગ્રામ સોનુ, 73 કિલો ચાંદી ભેટમાં મળી છે.