ચૂંટણી પંચે ગયા અઠવાડિયે જ તેની વેબસાઈટ પર ઈલેક્ટોરલ બોન્ડના આંકડા જાહેર કર્યા હતા. સુપ્રીમ કોર્ટે આ માહિતી શેર કરવા માટે પંચને 15 માર્ચ, 2024ની સમયમર્યાદા આપી હતી. ECI અનુસાર, ફ્યુચર ગેમિંગ, Megha Engineering અને Quixplychain Pvt Ltd એ ઈલેક્ટોરલ બોન્ડના ટોચના 3 દાતા છે. ECI દ્વારા જાહેર કરાયેલા ઈલેક્ટોરલ બોન્ડ ડેટામાં જાણવા મળ્યું છે કે, એપ્રિલ 2019 અને જાન્યુઆરી 2024 વચ્ચે ઓછામાં ઓછા 333 વ્યક્તિઓએ રૂ. 358.91 કરોડના ઈલેક્ટોરલ બોન્ડ ખરીદ્યા હતા.
મીડિયા સૂત્રોના અહેવાલ મુજબ આમાંથી, 15 અગ્રણી વ્યક્તિઓનો હિસ્સો રૂ. 158.65 કરોડ અથવા 44.2% જેટલો છે. જેમાંથી મોટા ભાગના મોટી કોર્પોરેટ કંપનીઓ સાથે સંકળાયેલા છે. આ અગ્રણી વ્યક્તિઓમાં લક્ષ્મી નિવાસ મિત્તલ, લક્ષ્મીદાસ વલ્લભદાસ મર્ચન્ટ, ઈન્દર ઠાકુરદાસ જયસિંઘાની, રાજેશ મન્નાલાલ અગ્રવાલ, હરમેશ રાહુલ જોશી અને રાહુલ જગન્નાથ જોશી, કિરણ મઝુમદાર શૉ જેવા નામોનો સમાવેશ થાય છે.
ફોર્બ્સ અનુસાર, 1,670 કરોડ રૂપિયાની નેટવર્થના માલિક લક્ષ્મી નિવાસ મિત્તલ વિશ્વની સૌથી મોટી સ્ટીલ બનાવતી કંપનીઓમાંની એક આર્સેલર મિત્તલના એક્ઝિક્યુટિવ ચેરમેન અને CEO છે. તે લંડનમાં રહે છે. તેણે લોકસભા ચૂંટણી દરમિયાન 18 એપ્રિલ, 2019ના રોજ બોન્ડ ખરીદ્યા હતા.
રિલાયન્સ ઇન્ડસ્ટ્રીઝ લિમિટેડ સાથે સંકળાયેલા ચાર્ટર્ડ એકાઉન્ટન્ટ, મર્ચન્ટ રિલાયન્સ લાઇફ સાયન્સિસ અને રિલાયન્સ લાઇફ સાયન્સ પ્રાઇવેટ લિમિટેડ, રિલાયન્સ ઇન્ફોસોલ્યુશન્સ પ્રાઇવેટ લિમિટેડ, રિલાયન્સ ગ્લોબલ મેનેજમેન્ટ સર્વિસિસ લિમિટેડ અને રિલાયન્સ મીડિયા ટ્રાન્સમિશન પ્રાઇવેટ લિમિટેડ સહિત અન્ય કેટલીક કંપનીઓના ડિરેક્ટર છે. તેઓ રિલાયન્સ વેન્ચર્સ લિમિટેડના પ્રથમ ડિરેક્ટર હતા. તેણે નવેમ્બર 2023માં બોન્ડ ખરીદ્યા હતા.
ભારતની સૌથી મોટી એરલાઇન ઇન્ડિગોના પ્રમોટર રાહુલ ભાટિયાએ એપ્રિલ 2021માં રૂ. 20 કરોડના બોન્ડ વ્યક્તિગત રીતે ખરીદ્યા હતા. આ ઉપરાંત, ઈન્ડિગોની અન્ય ત્રણ સંસ્થાઓ- ઈન્ટરગ્લોબ એવિએશન, ઈન્ટરગ્લોબ એર ટ્રાન્સપોર્ટ અને ઈન્ટરગ્લોબ રિયલ એસ્ટેટ વેન્ચર્સે પણ કુલ રૂ. 36 કરોડના બોન્ડ ખરીદ્યા હતા.
ઉદ્યોગપતિ જયસિંઘાની પોલીકેબ ગ્રુપ ઓફ કંપનીઝના ચેરમેન અને MD છે, જે ઇલેક્ટ્રિકલ વાયર અને કેબલના અગ્રણી ઉત્પાદક છે. તેમણે એપ્રિલ અને ઓક્ટોબર 2023માં બોન્ડ ખરીદ્યા હતા.
રાજેશ અજંતા ફાર્મા લિમિટેડના માલિક અને સહ-સ્થાપક છે. તે મુંબઈ સ્થિત બહુરાષ્ટ્રીય ફાર્મા કંપની છે. કંપની યુનાઇટેડ સ્ટેટ્સ સહિત લગભગ 20 કંપનીઓમાં હિસ્સો ધરાવે છે. જ્યારે અગ્રવાલે જાન્યુઆરી 2022 અને ઓક્ટોબર 2023 વચ્ચે બોન્ડ ખરીદ્યા હતા, ત્યારે તેમની કંપનીને અલગથી રૂ. 4 કરોડના બોન્ડના કોર્પોરેટ ખરીદનાર તરીકે દર્શાવવામાં આવી હતી.
મુંબઈ-હેડક્વાર્ટર ધરાવતા ઓમ ફ્રેઈટ ગ્રૂપ ઓફ કંપનીઓના ડિરેક્ટરોમાંના એક હરમેશ, ઓસ્કર ફ્રેઈટ પ્રાઈવેટ લિમિટેડ અને સેવન હિલ્સ શિપિંગ પ્રાઈવેટ લિમિટેડ સહિત ગ્રૂપની ડઝનથી વધુ કંપનીઓ સાથે વ્યક્તિગત રીતે સંકળાયેલા છે. તેમણે જાન્યુઆરી 2022 અને નવેમ્બર 2023માં બોન્ડ ખરીદ્યા હતા.
કિરણ મજુમદાર બાયોકોનની ચેરપર્સન અને સ્થાપક છે. બાયોકોન હાલમાં 120 દેશોમાં ઉત્પાદનોનું વેચાણ કરે છે. યાદીમાં તેમનું નામ આવ્યા પછી કિરણે દર્શાવ્યું કે, તેણે એપ્રિલ 2023માં બોન્ડ ખરીદ્યા હતા. ‘તમામ પક્ષોને ભંડોળ જોઈએ છે’, એવું તેમણે ટ્વિટર પર પોસ્ટ કર્યું.
ઈન્દ્રાણી ભારતમાં સૌથી વધુ કરદાતાઓમાં સામેલ છે. તે નવ કંપનીઓના ડિરેક્ટર છે, જે મુખ્યત્વે ખાણકામના વ્યવસાયમાં છે. તેમના પુત્ર અનુરાગની 20 જુલાઈ, 2015ના રોજ ED દ્વારા પૂછપરછ કરવામાં આવી હતી અને 11 જાન્યુઆરી, 2019ના રોજ તેમની સાથે જોડાયેલા સ્થળો પર આવકવેરાના દરોડા પાડવામાં આવ્યા હતા. તેણે 10 મે, 2019ના રોજ બોન્ડ ખરીદ્યા હતા.
વિદેશમાં રહેતા કાંચરલા યોડા ગ્રુપના ચેરમેન અને દેવાંશ લેબ વર્કસના સ્થાપક છે. તેણે 12 એપ્રિલ, 2023ના રોજ 5 કરોડના બોન્ડ ખરીદ્યા હતા.
મિત્રા કોલકાતા-BRD સીરોક ઈન્ફ્રાપ્રોજેક્ટ પ્રાઈવેટ લિમિટેડના ડિરેક્ટર છે. તેઓ અગાઉ અન્ય પેઢી, ટેક્નોફાઈલ ઈનોવેશન્સ પ્રાઈવેટ લિમિટેડ સાથે સંકળાયેલા હતા, જે કોમ્પ્યુટર સંબંધિત પ્રવૃત્તિઓ જેમ કે વેબસાઈટની જાળવણી/અન્ય પેઢીઓ માટે મલ્ટીમીડિયા પ્રેઝન્ટેશન બનાવવા જેવી પ્રવૃત્તિઓમાં સામેલ છે. તેમણે ઓક્ટોબર 2023માં બોન્ડ ખરીદ્યા હતા.