Vivoએ ભારતમાં તેની V30 સીરીઝ હેઠળ નવો સ્માર્ટફોન લોન્ચ કર્યો છે. આ કંપનીનો મિડ-પ્રીમિયમ સ્માર્ટફોન છે, જેમાં શાનદાર કેમેરા અને જબરદસ્ત ડિઝાઇન જોવા મળે છે. કંપનીએ તેને Vivo V30e 5Gના નામથી રજૂ કર્યો છે. વિવોએ પહેલાથી જ ઉપકરણની કેટલીક સુવિધાઓ અને ડિઝાઇનનું અનાવરણ કર્યું હતું. આ નવું ઉપકરણ 120Hz રિફ્રેશ રેટ સાથે Qualcomm Snapdragon 6 Gen 1 પ્રોસેસર મેળવી રહ્યું છે. ચાલો જાણીએ ફોનની કિંમત અને તેના ફીચર્સ વિશે…
Vivoએ 5500mAh બેટરીવાળો ભારતનો સૌથી પાતળો ફોન લોન્ચ કર્યો છે. તેમજ ફોનમાં ઓરા લાઇટ પણ આપવામાં આવી છે, જે રાત્રે અદ્ભુત ફોટા અને વીડિયો લેવામાં મદદ આપશે. એટલું જ નહીં ફોનના ફ્રન્ટમાં 50 મેગાપિક્સલનો કેમેરો પણ આપવામાં આવ્યો છે.
સામાન્ય રીતે જોવામાં આવે છે કે, મોટી બેટરી સાઈઝને કારણે ફોનનું વજન ઘણું વધી જાય છે. પરંતુ Vivoએ નવો સ્માર્ટફોન Vivo V30e લોન્ચ કર્યો છે, જે 5500mAh બેટરી સાઈઝ સાથે આવે છે. આ હોવા છતાં વજન 190 ગ્રામ છે. જ્યારે તેની જાડાઈ 7.65 mm છે. આ રીતે, તે 5500mAh બેટરી સાથે ભારતનો સૌથી પાતળો સ્માર્ટફોન બની ગયો છે. આટલું જ નહીં, ફોનમાં 50MP સોની IMX882 OIS મુખ્ય કેમેરો અગ્રણી સેગમેન્ટ છે. ફોન બે કલર ઓપ્શન વેલ્વેટ રેડ અને સિલ્ક બ્લુ કલર ઓપ્શનમાં આવે છે.
Vivo V30e કિંમત: 8GB+128GB-રૂ.27,999, 8GB+256GB-રૂ.29,999
તેનું વેચાણ 9 મે 2024થી શરૂ થશે. આ ફોન ફ્લિપકાર્ટ, વિવો ઈન્ડિયા સ્ટોર અને રિટેલ પાર્ટનર સ્ટોર્સ પરથી ખરીદી શકાય છે. તે આજથી પ્રી-બુક કરી શકાશે. ICICI, SBI બેંક કાર્ડ દ્વારા ફોન ખરીદવા પર 10 ટકા ડિસ્કાઉન્ટ આપવામાં આવી રહ્યું છે.
ફોન 6.78 ઇંચ અલ્ટ્રા સ્લિમ 3D કર્વ્ડ ડિસ્પ્લેમાં આવે છે. ફોન 120Hz રિફ્રેશ રેટ અને 1300nits પીક બ્રાઈટનેસ સાથે આવે છે. ફોનમાં 50MP OIS Sony IMX 882 સેન્સર આપવામાં આવ્યું છે. આ સિવાય 8MP અલ્ટ્રા વાઈડ કેમેરા આપવામાં આવ્યો છે. ફ્રન્ટમાં 50MP સેલ્ફી કેમેરા ઉપલબ્ધ છે. ફોનનો મુખ્ય કેમેરા OIS સપોર્ટ સાથે આવે છે. તેમાં ઓરા લાઇટને સપોર્ટ કરવામાં આવ્યો છે. ફોનમાં પોટ્રેટ મોડ, 4k વિડિયો રેકોર્ડિંગ છે. ફોન એન્ડ્રોઇડ 14 આધારિત ફનટચ OS સપોર્ટ સાથે આવશે. ફોનમાં Qualcomm Snapdragon 6 Gen 1 ચિપસેટ આપવામાં આવી છે. ફોન 3 વર્ષનાં સોફ્ટવેર અપડેટ્સ અને 4 વર્ષનાં સિક્યોરિટી અપડેટ્સ સાથે આવે છે.