ચૂંટણી અધિકારી તરીકે નિલેશ મહેતા અથવા બીજલ મહેતાની આ ચોથી લોકસભા ચૂંટણી છે. ગુજરાત સરકારના આ અધિકારીએ 2009થી અત્યાર સુધીની દરેક લોકસભા ચૂંટણીમાં મતદાન કરાવ્યું છે. અગાઉની ત્રણ લોકસભા ચૂંટણીમાં તેઓ જ્યારે પણ ગયા ત્યારે તેમને ‘સર’ કહીને સંબોધવામાં આવતા હતા. 2020માં, તેમણે સર્જરી દ્વારા તેનું લિંગ બદલ્યું અને તે મહિલા બની ગયા. 2024ની લોકસભાની ચૂંટણી મહિલા અધિકારી તરીકે તેમની પ્રથમ ચૂંટણી હશે. હવે તેમને મતદાન કેન્દ્ર પર ‘મેડમ’ કહેવામાં આવશે. હાલમાં મહેતા વડોદરામાં નાયબ મામલતદાર (મહેસુલ અધિકારી) તરીકે તૈનાત છે. તેઓ વડોદરા કલેક્ટર કચેરીની ચૂંટણી શાખામાં પોસ્ટેડ છે. તેમના માથા પર નામાંકન, કાયદો અને વ્યવસ્થા, સંવેદનશીલ મતદાન મથક, વેબકાસ્ટિંગ અને અન્ય જવાબદારીઓ છે. અગાઉ તેમનું પોસ્ટિંગ પોરબંદરમાં હતું, પરંતુ સારવારના ફોલો-અપના કારણે તેમને વડોદરા શિફ્ટ થવું પડ્યું હતું. મહેતાએ જણાવ્યું હતું કે, ‘હું અવારનવાર વડોદરા અને અમદાવાદ સારવાર માટે આવતી હતી, તેથી વડોદરા શિફ્ટ થવાનું અનુકૂળ લાગતું હતું.’
મહેતાની સાથે વડોદરા કલેક્ટર કચેરીની ચૂંટણી શાખામાં કુલ છ અધિકારીઓ છે. મીડિયા સૂત્રો સાથે વાત કરતા તેમણે કહ્યું કે, ટીમે તેને ઘણો સપોર્ટ કર્યો છે. મહેતાએ કહ્યું, ‘હું એક મહિલા તરીકે મારી ફરજો નિભાવવા માટે ઉત્સાહિત છું. તેઓ અહીં મારા પરિવારની જેમ મારી સાથે છે અને મને આરામથી રહેવાની મંજૂરી આપી છે.’
2020માં સેક્સ રિ-અસાઇનમેન્ટ સર્જરી કરાવતા પહેલા, મહેતાને ચાર વર્ષ સુધી કાઉન્સેલિંગ અને થેરાપીમાંથી પસાર થવું પડ્યું હતું. તે ધોરણ 9થી તેની લિંગ ઓળખ સાથે સંઘર્ષ કરી રહી હતી. તેમણે કહ્યું, ‘તે સમયે મારા માટે કોઈને કંઈપણ કહેવું ખૂબ મુશ્કેલ હતું. 2012ની આસપાસ, મેં નક્કી કર્યું કે મારે સ્ત્રી બનવું છે.’
સર્જરી પછી મહેતાને લાગ્યું કે કદાચ તેઓ તેમની નોકરી ન ગુમાવી દે. તેમણે અન્ય રાજ્યોમાં આમ કરવાથી લોકોને પડી રહેલી સમસ્યાઓ વિશે સાંભળ્યું હતું. તેમણે કહ્યું, ‘અન્ય રાજ્યોમાં સેક્સ રિ-એસાઇનમેન્ટ સર્જરી કરાવનારા કેટલાકને કોર્ટમાં જવું પડ્યું. ટ્રાન્સજેન્ડર પર્સન્સ (પ્રોટેક્શન ઑફ રાઇટ્સ) એક્ટ 2020એ મને બચાવ્યો અને પછી મેં સર્જરી કરાવવાનું નક્કી કર્યું.’
એક પુરુષ તરીકે નિલેશે પરિવારના દબાણને કારણે બે વાર લગ્ન કર્યા હતા. પરંતુ નિષ્ફળ થયા હતા. બીજલ પણ લગ્ન કરવા માંગે છે, પરંતુ તે સમજે છે કે, તેના અગાઉના લગ્નોમાં જે બન્યું તે પછી તે મુશ્કેલ બનશે.