દેશના ઘણા રાજ્યોમાં ભારે વરસાદથી તબાહી જોવા મળી રહી છે. દિલ્હીથી લઇને ગુજરાત અને રાજસ્થાનમાં મુશળધાર વરસાદ પડી રહ્યો છે. ગુજરાતમાં ભારે વરસાદ બાદ પૂર આવી ગયો છે. રાજ્યોમાં નદીઓ બેઉં કાંઠે વહી રહી છે. સ્થિતિ વધુ વણસતી જઇ રહી છે. તો હવામાન વિભાગે ઘણા રાજ્યો માટે એલર્ટ જાહેર કર્યું છે. ગુજરાતમાં ભારે વરસાદના કારણે અત્યાર સુધી 30 લોકોના મોત થઇ ચૂક્યા છે. રાહત અને બચાવ કાર્ય માટે NDRFની ટીમોને લગાવવામાં આવી છે.
અત્યાર સુધી ઘણા લોકોનું રેસ્ક્યૂ કરાયું છે. NDRF સિવાય SDRF, સેના, ભારતીય વાયુસેના અને ભારતીય તટરક્ષક બળ પણ રેસ્ક્યૂ ઓપરેશન કરી રહ્યા છે. હવામાન વિભાગે ગુજરાતના 11 જિલ્લાઓ માટે રેડ અને કેટલાક જિલ્લાઓ માટે યલ્લો એલર્ટ જાહેર કર્યું છે. બીજી તરફ વડાપ્રધાન નરેન્દ્ર મોદીએ રાજ્યના મુખ્યમંત્રી ભૂપેન્દ્ર પટેલ સાથે વાતચીત કરી છે. આ દરમિયાન ભારતીય વાયુ સેનાના એક હેલિકોપ્ટરે ગુરુવારે દેવભૂમિ દ્વારકાથી 4 લોકોને બચાવ્યા હતા. ભારતીય વાયુ સેનાની 6 ટીમો સૌથી વધુ પ્રભાવિત વિસ્તારોમાં બચાવ અભિયાન ચલાવી રહી છે.
SEOCએ બુધવારે 4 લોકોના મોત થવાની નોંધ કરી હતી, જેમાં ડાંગના આહવા અને જામનગરના ધ્રોલમાં 1-1 વ્યક્તિ ડૂબી ગઈ, અરાવલીના માલપુરમાં દીવાલ પડવાથી એક વ્યક્તિનું મોત થઈ ગયું અને દેવભૂમિ દ્વારકામાં બહનવાજમાં ઝાડ પડવાથી એક વ્યક્તિનું મોત થઈ ગયું હતું. તો 26 અને 26 ઑગસ્ટે રાજ્યના વિભિન્ન હિસ્સાઓમાં ડૂબવા, ઝાડ પડવા અને દીવાલ પડી જવાની ઘટનાઓમાં 10 લોકોના મોત થયા હતા.
હવામાન વિભાગે ગુજરાત સિવાય દિલ્હી, મહારાષ્ટ્ર, પશ્ચિમ બંગાળ, તેલંગાણા, ઉત્તરાખંડ અને હિમાચલ પ્રદેશ સહિત 14 રાજ્યો માટે વરસાદનું એલર્ટ જાહેર કર્યું છે. દિલ્હી-NCRમાં મોદી રાત્રે મુશળધાર વરસાદ પડ્યો હતો, ભારે વરસાદના કારણે ઘણા વિસ્તારોમાં જળબંબાકારની સ્થિતિ થઇ ગઇ, જેથી ટ્રાફિક જામ થઇ ગયું. સવારે ઓફિસ જનારા લોકોને ખૂબ પરેશાની થઇ.
લખનૌમાં વરસાદ બાદ તાપમાનમાં ઘટાડો નોંધાયો છે. રાજ્યના પૂર્વી અને પશ્ચિમ હિસ્સામાં ગાજ-વીજ સાથે વરસાદ પાડવાની સંભાવના છે. હવામાન વિભાગે જણાવ્યું કે, ઘણા જિલ્લાઓમાં વરસાદ પડે તેવી સંભાવના છે. 1-2 દિવસમાં બંગાળની ખાડીમાં લૉ પ્રેશરનું ક્ષેત્ર વિકસિત થવાના કારણે રાજ્યમાં વરસાદની સ્થિતિમાં સુધાર થવાની સંભાવના છે.
