કોંગ્રેસ પાર્ટીએ ભારતીય ચૂંટણી પંચને માહિતી આપી છે કે લોકસભા 2024માં પાર્ટીએ તેમના ઉમેદવારોને કેટલાં રૂપિયાનું ફંડ ફાળવ્યુ હતુ. ચોંકાવનારી વાત એ સામે આવી છે કે એક ઉમેદવારને રાહુલ ગાંધી કરતા પણ વધારે ફંડ આપાવામાં આવ્યું હતું, છતા આ ઉમેદવાર હારી ગયા હતા.
કોંગ્રેસ ચૂંટણી પંચને કહ્યું છે કે રાહુલ ગાંધીને વાયનાડ બેઠક અને રાયબરેલી બેઠક માટે બેઠક દીઠ 70 લાખ રૂપિયાનું ફંડ આપવામાં આવ્યું હતું. મતલબ કે રાહુલને કુલ 1.40 કરોડ રૂપિયા ચૂંટણી લડવા માટે મળ્યા હતા.
પરંતુ હિમાચલ પ્રદેશમાં મંડી બેઠક પર ભાજપની કંગના રનૌત સામે ચૂંટણી લડેલા વિક્રમાદિત્ય સિંહને કોંગ્રેસે 87 લાખ રૂપિયા આપ્યા હતા, પરંતુ તેઓ કંગના સામે હારી ગયા હતા.
