આ હેડીંગ વાંચીને તમે ચોંકી જશો, પરંતુ આ સાચી વાત છે કે મધ્ય પ્રદેશમાં 3 ગામો એવા છે જ્યાં વિદ્યાર્થીઓને ખિસ્સા કાતરવા, ચોરી કરવી, ડાકુ બનવાની તાલીમ આપવામાં આવે છે અને ચોંકાવનારી વાત એ છે વિદ્યાર્થીના માતા-પિતાઓ આવા કૌશલ્યો શિખવા માટે તેમને મોકલે છે અને 3 લાખ રૂપિયા સુધીની ફી પણ ભરે છે.
12થી 13 વર્ષના વિદ્યાર્થીઓને અપરાધના કૌશલ્યો શિખવવામાં આવે છે. એક વર્ષની ટ્રેનિંગ પછી માતા-પિતાને ગેંગ લીડરો પાસેથી વાર્ષિક 3થી 5 લાખ રૂપિયા મળવાના શરૂ થઇ જાય છે. જે રીતે કોલેજમાં કેમ્પસ ઇન્ટરવ્યૂ થાય તે રીતે ગેંગ લીડરો વિદ્યાર્થીને 20 લાખથી વધારે રકમ ચૂકવે છે અને પોતાની રકમ વસુલાઇ જાય પછી વિદ્યાર્થીને છોડી મુકવામાં આવે છે. આ ગામોના 2000થી વધારે ટ્રેઇન્ડ લોકોની સામે દેશભરના 8000 પોલીસ સ્ટેશનમાં ગુના નોંધાયેલા છે.
