ઓસ્ટ્રેલિયાની ક્રિકેટ ટીમે હાલમાં સ્કોટલેન્ડ વિરુદ્ધ 3 મેચોની T20 સીરિઝ 3-0થી પોતાના નામે કરી હતી. સીરિઝ બાદ ઓસ્ટ્રેલિયન કેપ્ટન મિચેલ માર્શને એવી ટ્રોફી પકડવાઇ, જે અલગ હતી. સામાન્ય રીતે આ પ્રકારની ટ્રોફી કોઇ ટીમને આપતા જોવા મળ્યા નથી. આ ટ્રોફી જોઇને બધા હેરાન રહી ગયા. આઇસ્ક્રીમ કપ જેવી દેખાતી આ ટ્રોફીને કોઇએ કટોરો કહ્યો, તો કોઇ કડચી કહી. પોતે ઓસ્ટ્રેલિયન ખેલાડી પણ તેને જોઇને હેરાન થઇ ગયા હતા. તેમના ચહેરા પરની સ્માઇલ બંધ થઇ રહી નહોતી. માર્શના હાથમાં આ ટ્રોફી નાના રમકડાં જેવી દેખાઇ રહી હતી, પરંતુ પછી ખબર પડી કે આખરે આ વસ્તુ શું છે. તેનું સીધું કનેક્શન વ્હિસ્કી સાથે હતું.
કટોરા જેવી દેખાતી આ વસ્તુને સ્કોટલેન્ડમાં ક્વેચ (Quaich)ના નામથી ઓળખવામાં આવે છે. આ નાનો કટોરો પારંપરિક રૂપે વ્હિસ્કી કે અન્ય પીણાં પીવા માટે ઉપયોગ કરવામાં આવે છે. સ્કોટલેન્ડની નેશનલ ડ્રિંક સ્કોચ છે. ઓસ્ટ્રેલિયન ખેલાડીઓએ પણ T20 સીરિઝ જીત્યા બાદ આ કટોરા જેવી વસ્તુમાં વ્હિસ્કી નાખીને સેલિબ્રેટ કર્યું. એડિનબર્ગમાં જ્યારે પ્રેઝન્ટરે ઓસ્ટ્રેલિયન કેપ્ટન મિશેલ મર્શને આ ટ્રોફી સોંપી તો આખી ટીમને હસવું આવી ગયું. માર્શ પણ પોતાની જાતને હસતા ન રોકી શક્યો અને ટ્રોફી હાથમાં પકડીને નજરે પડ્યો.
Trophy 😂 pic.twitter.com/mIeuHTo2YQ— Out Of Context Cricket (@GemsOfCricket) September 11, 2024
ઓસ્ટ્રેલિયન ખેલાડી જ્યારે ટ્રોફી સાથે ફોટા ખેચાવવા માટે ભેગા થયા તો તેમને પણ સમજણ ન પડી કે આખરે કેવી રીતે આ અસામાન્ય ટ્રોફી સાથે પોઝ આપે. તેને જોઇને તેઓ જોર જોરથી હસવા લાગ્યા. ઓસ્ટ્રેલિયન ખેલાડીઓના હાથમાં આ નાની ટ્રોફી જોઇને સોશિયલ મીડિયા પર પણ લોકો મજાક ઉડાવવા લાગ્યા. કોઇએ તેને આઇસ્ક્રીમ કપ તો કોઇએ તેને ચાનો કપ કહ્યો. ઓસ્ટ્રેલિયન ટીમ આ સીરિઝને જીતીને ઈંગ્લેન્ડ પહોંચી ચૂકી છે અને ઈંગ્લેન્ડ વચ્ચે 3 મેચોની T20 સીરિઝ રમાઇ રહી છે. સીરિઝની પહેલી મેચમાં ઓસ્ટ્રેલિયાને ઇંગ્લેન્ડને 28 રનથી હરાવીને જીતથી ટૂરની શરૂઆત કરી.
