સ્ટેન્ડઅપ કોમેડિયન કુણાલ કામરા ઘણી વખત પોતાની કમેન્ટ્સને લઇને વિવાદોમાં ફસાઇ ચૂક્યો છે. આ વખત તેનો ટકરાવ ઓલાના ફાઉન્ડર ભાવિશ અગ્રવાલ સાથે થઇ ગયો છે. કુણાલ કામરાએ રવિવારે ઓલા ઇલેક્ટ્રિક સ્કૂટર્સની સર્વિસ ક્વાલિટીનું મજાક ઉડાવ્યું હતું અને તેને લઇને ચિંતા વ્યક્ત કરી હતી. ત્યારબાદ ભાવિશ અગ્રવાલે પોતાના X (અગાઉ ટ્વીટર) હેન્ડલ પર કુણાલને જડબાતોડ જોવાબ આપ્યો હતો. બંને વચ્ચે તેને લઇને તીખો વિવાદ થયો. જેમાં ભાવિશ અગ્રવાલે ચૂપ બેસવાની વાત વકીલાત કરી નાખી.
વાસ્તવમાં કુણાલ કામરાએ પોતાના એક્સ હેન્ડલ પર ઓલા સર્વિસ સેન્ટરની એક તસવીર શેર કરી હતી. જ્યાં સર્વિસના ઇંતજારમાં બધા ઓલા સ્કૂટર્સ ધૂળ ખાઇ રહ્યા હતા. કુણાલે લખ્યું કે, ‘શું ભારતીય ઉપભોક્તાઓ પાસે અવાજ છે? શું તેઓ તેને કાબિલ છે? ટૂ-વ્હીલર્સ ઘણા બધા ડેલિવેજ વર્કર્સની લાઇફલાઇન છે. જે કોઇને પણ ઓલા ઇલેક્ટ્રિકથી ઇશ્યૂ છે તે પોતાની કહાની નીચે બધાને ટેગ કરતા લખે. એક અન્ય પોસ્ટમાં કામરાએ ઓલાની ખૂબ ખરાબ સર્વિસ બતાવી રહેલા એક યુઝરે જવાબ આપ્યો, તેણે લખ્યું કે, ખૂબ ખરાબ વાત છે કે લીડર (ઓલા માલિક) પાસે કોઇ જવાબ નથી.
કુણાલ કામરાના આ વર્ચૂઅલ એટેકથી ઓલાના ફાઉન્ડર ભાવિશ અગ્રવાલ ગુસ્સે થઇ ગયા. તેમણે તેને પેઇડ ટ્વીટ બતાવી. તેમણે ઓલાની ગીગા ફેક્ટ્રીની તસવીર શેર કરતા લખ્યું કે, જ્યારે તમે એટલું બધુ કેર કરી રહ્યા છો કુણાલ કામરા તો આવો અને તેનાથી બહાર નિકળવામાં મદદ કરો. હું તમને તેનાથી વધારે પૈસા આપીશ. જેટલી તમે પેઇડ ટ્વીટ કે પોતાના ફેલ કોમેડી કરિયરથી કમાઇ રહ્યા છો. નહીં તો તમે ચૂપ બેસો અને અમને રિયલ કસ્ટમર્સના મુદ્દાને નિપટવા પર ફોકસ કરવા દો. ભાવિશે આગળ લખ્યું કે, અમે પોતાનું સર્વિસ નેટવર્ક તેજીથી વધારી રહ્યા છીએ અને બેકલોગ્સ ખૂબ જલદી ખતમ થઇ જશે.’
કામરાએ ભવિષ્યના ફેઇલ કોમેડી કરિયર’વાળી ટ્વીટનો જવાબ આપ્યો. તેમણે પોતાના એક શૉનો વીડિયો શેર કર્યો, જેમાં દર્શક તાળી વગાડતા તેને ચીયર કરી રહ્યા હતા અને ત્યારબાદ કામરાએ ઓલા ઇલેક્ટ્રિક અને CMDને ઘમંડી અને બીજા દરજ્જાના કહી નાખ્યા. તેમણે લખ્યું કે, પેઇડ ટ્વીટ, ફેલ કોમેડી કરિયર અને ચૂપ બેસ, ભારતીય બિઝનેસમેન પોતાની વિનમ્રતાના ચરમ પર છે. જો તમે સાબિત કરી દો કે આ ટ્વીટ કે કોઇ અન્ય ટ્વીટ માટે મેં પૈસા લીધા છે તો હું પોતાના બધા સોશિયલ મીડિયા અકાઉન્ટ ડીલિટ કરી દઇશ અને હંમેશાં માટે ચૂપ બેસી જઇશ.
ભાવિશે પણ કુણાલને ફરીથી જવાબ આપ્યો. ભાવશે લખ્યું કે, ‘ઠેસ પહોંચી? આવી જા સર્વિસ સેન્ટર, ખૂબ કામ છે. હું તને તારા ફ્લોપ શૉથી વધારે પૈસા આપીશ. પોતાના દર્શકોને દેખાડો કે તું હકીકતમાં તેમની કેટલી ચિંતા કરે છે કે તું કેટલો ગેસનો ફુગ્ગો છે? બદલામાં કુણાલે ભાવિશને ચેલેન્જ આપી દીધું. કુણાલે લખ્યું કે, મને તારા પૈસાની જરૂર નથી. લોકો પોતાના કામકાજ પર પહોંચી શકતા નથી. તેમને તમારી જવાબદારીની જરૂર છે. છેલ્લા 4 મહિનામાં ઓલા ઇલેક્ટ્રિક ખરીદનારાઓને ફૂલ રિફંડ કરીને દેખાડો કે તમને પોતાના કસ્ટમર્સની કેટલી ચિંતા છે. ત્યારબાદ ભવિશે કુણાલને ફરી જવાબ આપ્યો કે, જેમાં લખ્યું કે, જો તું સાચો કસ્ટમર છે તો તને ખબર હશે કે ઓલા પોતાના કસ્ટમર્સ માટે કેટલા પ્રોગ્રામ ચલાવી રહી છે.
