રતન ટાટાના નિધન પછી લોકોમાં એ વાતની ચર્ચા છે કે રતન ટાટાનો અબજો રૂપિયાનો વારસો હવે કોણ સંભાળશે? હુરુન ઇન્ડિયા રિચ લીસ્ટના એક તાજેતરના અહેવાલ મુજબ રતન ટાટાની કુલ સંપત્તિ 3800 કરોડ રૂપિયા છે.
રતન ટાટાએ લગ્ન નહોતા કર્યા એટલે તેમને કોઇ સંતાન નથી, પરંતુ જાણવા મળેલી માહિતી મુજબ રતન ટાટાની 3800 કરોડ રૂપિયાની સંપત્તિ તેમના સાવકા ભાઇ નોએલ ટાટા અને તેમના સંતાનોને મળી શકે છે.
નોએલ ટાટા રતન ટાટાના પિતા નવલ ટાટાની બીજી પત્ની સિમોનના દીકરા છે. નોએલ ટાટાને 3 સંતાનો છે. એકનું નામ માયા ટાટા, નેવિલ ટાટા અને લિયા ટાટા. નોએલ ટાટાના ત્રણેય સંતાનો અત્યારે ટાટા ગ્રુપમાં મહત્ત્વની જવાબદારી સંભાળી રહ્યા છે.
