મહારાષ્ટ્રમાં વિધાનસભાની ચૂંટણી છે અને બધી પાર્ટીઓ પોતપોતાના સમીકરણ ગોઠવી રહી છે. મહારાષ્ટ્રના નાયબ મુખ્યમંત્રી દેવેન્દ્ર ફડણવીસે એક ઇન્ટરવ્યૂમાં ઉદ્ધવ ઠાકરે સાથે ફરી ગઠબંધનની શક્યતા વિશે જવાબ આપ્યો છે.
ફડણવીસને સવાલ પુછાયો કે શું ભાજપ ફરી ઉદ્ધવ સાથે ગઠબંધન કરશે? ફડણવીસે સ્પષ્ટ ના નહોતી પાડી અને કહ્યું હતું કે, રાજકારણમાં કશું પણ અસંભવ હોતું નથી, પરંતુ આ સંભવ પણ નથી. તેમણે કહ્યું કે, અમારા રસ્તા હવે અલગ થઇ ગયા છે. તેમણે વિચારધારા છોડી દીધી છે.
ફડણવીસે કહ્યુ કે, જે વિચારધારાને બાલાસાહેબ ઠાકરેએ નકારી હતી એ જ વિચારધારાને ઉદ્ધવ ઠાકરેએ પસંદ કરી.
મહારાષ્ટ્રમાં મહાયુતિ સરકાર અજિત પવાર, ભાજપ અને શિંદે શિવસેનાનું ગઠબંધનમાં ચૂંટણી લડી રહી છે, પરંતુ ગઠબંધન વચ્ચે મનમેળ નથી.
