ઇન્ફોસીસના ફાઉન્ડર નારાયણ મૂર્તિએ બેંગલુરુમાં કિંગફિશર ટાવરમાં 50 કરોડ રૂપિયાનો એક ફલેટ ખરીદ્યો છે, જે બેંગલુરુની આ વિસ્તારની સૌથી મોટી ડીલ હોવાનું કહેવાય છે. મૂર્તિએ 16મા માળે 8400 સ્કેવર ફુટનો ફ્લેટ ખરીદ્યો છે. આ વાતથી સોશિયલ મીડિયમાં તેમને જબરદસ્ત ટ્રોલ કરવામાં આવી રહ્યા છે.
એક યૂઝરનું કહેવું છે કે, નારાયણ મૂર્તિએ 50 કરોડનો આલિશાન ફલેટ ખરીદ્યો છે. આ એ વ્યકિત છે જે હમેંશા સાદગીમાં રહેવાનું, દયાળુ મુડીવાદનો ઉપદેશ આપતા રહે છે અને એવું ઇચ્છે છે કે લોકો સપ્તાહમાં 70 કલાક કામ કરે.
કિંગફિશર ટાવર એ દેશમાંથી ભાગી છુટેલા વિજય માલ્યાનું પહેલા પૈત્રુક ઘર હતું. 4 વર્ષ પહેલા સુધા મૂર્તિએ પણ 29 કરોડમાં આ જ ટાવરમાં ફલેટ ખરીદેલો છે. આ ટાવરમાં મોટી મોટી હસ્તીઓ રહે છે.
