ગુજરાતમાં ટ્રાફીક પોલીસની અત્યારે ડ્રાઇવ ચાલે છે, જેમાં બુલેટમાં જે લોકોએ સાયલન્સરે મોડીફાઇ કરાવ્યું હોય તેમને પકડવામાં આવે છે અને સાયલન્સર કઢાવી નાંખવામાં આવે છે. ગુરુવારે રાજકોટમાં લગભગ 350 જેટલા બુલેટના સાયલન્સરનો પોલીસે રોડ રોલર ફેરવીને કચ્ચરઘાણ કાઢી નાંખ્યો હતો.
બુલેટમાં સાયલન્સર મોડીફાઇ કરવાને કારણે ધ્વનિ પ્રદુષણ ફેલાઇ છે એટલે ટ્રાફીક નિયમોનું ઉલ્લંઘન થાય છે. સાયલન્સર વધારે અવાજ કરતું હોવાને કારણે નાના બાળકોના કાનને અને હાર્ટના દર્દીઓને મુશ્કેલી ઉભી થઇ શકે છે.
પરંતુ કેટલાંક ટ્રાફીકના પોલીસો આડેધડ દંડ વસુલે છે. અમે એક ઉચ્ચ પોલીસ અધિકારી પાસેથી જાણકારી મેળવી હતી કે, સાયલન્સર મોડીફાઇના કેસમાં મોટર વ્હીકલ એક્ટની નિયમ 194 (F) મુજબ 1000 રૂપિયાનો દંડ થાય છે.
