ટ્રાફિકના નવા રૂલ્સ આવી રહ્યા છે.કેન્દ્ર સરકાર નવો નિયમ લાવી રહી છે. જો ટ્રાફીક ચલણ 3 મહિનામાં નહીં ભરવામાં આવશે તો ડ્રાઇવરનું લાયસન્સ રદ થઇ જશે. ઉપરાંત જો એક વર્ષમાં કોઇ પણ વાહન ચાલકનો 3 વખત ચલણ ફાટશે તો 3 મહિના માટે લાયસન્સ સસ્પેન્ડ થઇ શકે છે.
જો 2 ચલણ ભરવાના પેન્ડીંગ હશે તો વીમાનું પ્રીમિયમ વધારે ભરવું પડશે.
સરકાર આ પગલું એટલા માટે લઇ રહી છે, કારણકે ઇ- મેમામાં રિકવરી માત્ર 40 ટકા જેટલી જ છે. લોકો દંડની રકમ ભરતા નથી.
સરકાર હવે દર મહિને તમને પેન્ડીંગ ચલણની ચેતવણી વારંવાર મોકલશે.દિલ્હીમાં સૌથી ઓછા લોકો દંડની રકમ ભરે છે. માત્ર 14 ટકા લોકો જ ચલણની રકમ ભરે છે. રાજસ્થાન, બિહાર, હરિયાણા જેવા રાજ્યોમાં 62થી 67 ટકા લોકો ભરે છે.