કચ્છ નહીં દેખા તો કુછ નહીં દેખા, પરંતુ વાસ્તવિકતા સાવ જુદી છે

બોલિવુડ અભિનેતા અમિતાભ બચ્ચન જ્યારે ગુજરાતના પ્રવાસન સ્થળની જાહેર ખબર કરતા ત્યારે એક વાત બોલતા હતા કે, કચ્છ નહીં દેખા તો કુછ નહીં દેખા. નો ડાઉટ, કચ્છનો અનેક રીતે વિકાસ થયો છે.ટુરીઝમ પણ ડેવલપ થયું છે અને અહીં એશિયાનો સૌથી મોટો સોલાર પ્લાન્ટ પણ આવેલો છે.

પરંતુ આ સોલાર પ્લાન્ટની આજુબાજુના ગામનો સ્થિતિ ખુબ જ દયનીય છે.

આ ગામોમાં નથી વીજળીની સુવિધા, નથી કોઇ પાણીની સુવિધા, નથી આરોગ્યની કે ન તો શિક્ષણની સુવિધા. અત્યારે કચ્છના વિસ્તારોમાં 45 ડિગ્રી તાપમાન વચ્ચે લોકોએ પાણી માટે વલખાં મારવા પડે છે. પાકિસ્તાનની સરહદે આવેલા આ ગામોની મહિલાઓએ દોઢ કિ.મી દુર માથે બેડલું મુકીને પાણી ભરવા જવું પડે છે. બાળકોએ 3 કિ.મી દુર શાળામાં ભણવા જવું પડે છે.