ગુજરાતમા માવઠું અને ભારે પવનની પહેલેથી આગાહી કરવામાં આવી હતી એ મુજબ 5 મેને મંગળવે ગુજરાતના અનેક વિસ્તારોમાં વાવાઝોડું જોવા મળ્યું હતું અને ભારે વરસાદ પડ્યો હતો.
સુરતમાં મધરાતે 2 વાગ્યે માત્ર 5 મિનિટ માટે જબરદસ્ત વાવાઝોડું ફુંકાયું હતું અને એ પછી ચોમાસા જેવો વરસાદ વીજળીના કડાકા ભડાકા સાથે અડધો કલાક સુધી પડ્યો હતો. સુરતમાં 11 જગ્યાએ તોતિંગ ઝાડ પડી ગયા હતા.સુરતના અડાજણ વિસ્તારમાં એક સોલાર પેનલ ઉડી ગઇ હતી.
હવામાન વિભાગે મંગળવારે કચ્છ, બનાસકાંઠા, પાટણ, મહેસાણા, સાબરકાંઠા,મહિસાગર, દાહોદ, પંચમહાલ, મોરબી, સુરેન્દ્રનગર આણંદ, ભરુચ, નર્મદા જિલ્લાં વાવાઝોડા સાથે વરસાદની આગાહી કરી હતી.
ચોટીલામાં તો કરા સાથે એટલો વરસાદ પડ્યો હતો કે તગારા ભરીને કરાની તસ્વીર સોશિયલ મીડિયામાં વાયરલ થઇ રહી છે.