પવનદીપ અમદાવાદના કાર્યક્રમમાં આવે તે પહેલા ગંભીર અકસ્માત નડ્યો

ઇન્ડિયન આઇડલની સિઝન 12ના વિનર પવનદીપ રાજનને મુરાદાબાદ પાસે ગંભીર અકસ્માત નડ્યો છે. પવનદીપ અમદાવાદના એક કાર્યક્રમ માટે આવી રહ્યો હતો ત્યારે તેની કાર રસ્તા પર ઉભેલા ટેંકર સાથે ધડાકાભેર અથડાઇ હતી.

પવનદીપ રાજનની કારને સોમવારે રાત્રે 3 વાગ્યે ઉત્તર પ્રદેશના મુરાદાબાદ ખાતે અકસ્માત નડ્યો હતો અને પવનદીપને દિલ્હી NCRના હોસ્પિટલામાં ICUમાં દાખલ કરવામાં આવ્યો હતો. અકસ્માત એટલો ગંભીર હતો કે તેની કારના ફુરચા ઉડી ગયા હતા અને પવનદીપને મલ્ટીપલ ફ્રેકચર થયા છે અને શરીરના અનેક ભાગોમાં ઇજા પહોંચી છે.

પવનદીપની ટીમે ઇન્સ્ટાગ્રામ પર મેસેજમાં લખ્યું છે કે, હવે પવનદીપને સારું છે અને એક ફેક્રચરનું ઓપરેશન થયું છે. 4-5 દિવસ પછી બીજા ફ્રેકચરનું ઓપરેશન હાથ ધરવામાં આવશે.