ઓપરેશન સિંદુરની અસર, પાકિસ્તાનનું શેરબજાર અડધેથી જ બંધ કરી દેવું પડ્યું

ભારતના ઓપરેશન સિંદુરને કારણે પાકિસ્તાન થથરી ગયું છે. ગુરુવારે પાકિસ્તાની શેરબજારમાં હડકંપ મચી ગયો હતો અને બજારમાં એટલો મોટા કડાકા બોલી ગયા કે શેરબજારને અડધેથી જ બંધ કરી દેવામાં આવ્યું.

 ભારતે ઓપરેશન સિંદુરની શરૂઆત કરી તે દિવસથી પાકિસ્તાન શેરબજારના ભૂક્કા બોલી રહ્યા છે. 7મેના દિવસે પાકિસ્તાનના KSE-100 ઇન્ડેક્સમાં લગભગ 4000 પોઇન્ટ તુટી ગયા હતા જ્યારે બીજા દિવસે તો સીધો 8400 પોઇન્ટનો ધબડકો વળી ગયો હતો. 7.64 ટકા બજાર તુટી જતા બંધ કરી દેવાની નોબત ઉભી થઇ ગઇ હતી. તેની સામે ગુરુવારે ભારતીય શેરબજારમાં માત્ર 411 પોઇન્ટનો ઘટાડો જોવા મળ્યો હતો. ભારતે પાકિસ્તાનને બેવડો માર માર્યો છે. 7મેના દિવસે ભારતીય શેરબજાર 100 પોઇન્ટ વધ્યું હતું.