દાહોદના દેવગઢ બારિયા અને ધનપુર તાલુકાના મનરેગા કૌભાંડમાં પરિવારવાદ જોવા મળ્યો છે. 71 કરોડ રૂપિયાના કૌભાંડમાં ગુજરાતના મંત્રી બચુ ખાબડના પુત્રો બળવંત અને કિરણની ધરપકડ પછી હવે ખાબડના ભાણેજ દિલીપ ચૌહાણની પણ ધરપકડ કરવામાં આવી છે. દિલીપ ચૌહાણ મુખ્ય વચેટિયો હતો.
દેવગઢ બારિય અને ધાનપુર તાલુકામાં સરકારી અધિકારીઓ અને એજન્સી માલિકોની મિલીભગતથી 71 કરોડ રૂપિયાનું કૌભાંડ થયું . અધુરા કામોના ખોટા ક્મ્પલીશન સર્ટિફેકેટ આપી દેવામાં આવતા હતા. તાલુકા અધિકારી દ્રારા કોઇ પણ બાબતની તપાસ કર્યા વગર સીધા બિલો મંજૂર કરવામાં આવતા હતા. નવાઇની વાત એ છે કે ભ્રષ્ટાચાર મનરેગા યોજના હેઠળ થયો છે અને મનરેગા યોજના બચુ ખાબડના મંત્રાલયમાં આવે છે. છતા ભાજપે બચુ ખાબડ સામે કોઇ પગલાં લીધા નથી.