

કેરળમાં1 જૂનથી ચોમાસાની શરૂઆત થાય અને 8 જૂન સુધીમાં વરસાદ આખા દેશને કવર કરી લે અને 17 સપ્ટેમ્બરથી ઉત્તર-પશ્ચિમ ભારત તરફ ચોમાસું પાછું વળવાનું શરૂ કરે અને 15 ઓક્ટોબરે ચોમાસાની જે સાઇકલ છે એ પુરી થાય, પરંતુ આ વખતે કેરળમાં ચોમાસાએ એક સપ્તાહ પહેલા એન્ટ્રી કરી લીધી છે. 24 મેના દિવસે વરસાદના વધામણા થઇ ગયા છે. આવું 16 વર્ષ પછી બન્યું છે. 2009માં 23 મેના દિવસે કેરળમાં ચોમાસાની શરૂઆત થઇ હતી.
કેરળમાં ચોમાસું વહેલું આવવા પાછળ 3 કારણો છે, એક કે અરબી સમુદ્ધ પર લો-પ્રેસર સીસ્ટમ બની છે, બીજું કે દક્ષિણથી ઉત્તર તરફ જોરદાર પવનો ફુંકાઇ રહ્યા છે અને ત્રીજું કારણ કે વાદળો સતત બની રહ્યા છે. આ 3 કારણોને લીધે ચોમાસાને આગળ વધવા માટે યોગ્ય વાતાવરણ મળી ગયું છે.