સેબીએ ગુજરાતના રાજકોટમાં આવેલી કંપની પટેલ વેલ્થ એડવાઇઝર અને તેના 4 ડિરેક્ટર્સને શેરબજાર પર કામકાજ કરવા પર પ્રતિબંધ મુકી દીધો છે અને ગેરકાયદે કમાયેલા 3.22 કરોડ રૂપિયા પાછા માંગ્યા છે. કંપની પર ઓર્ડર સ્પુફીંગનો આરોપ છે.
પટેલ વેલ્થ એડવાઇઝર પ્રા. લિ.ના ડિરેકટર્સ ડેનિશ પટેલ, મિતુલ વોરા, કૌશલ પટેલ, મિતિશ પટેલ અને કંપની પર SEBIએ શેરબજારમાં કામકાજ કરવા પર પ્રતિબંધ મુક્યો છે.
ઓર્ડર સ્પુફીંગનો મતલબ છે કે શેરબજારમાં સોદા કરતી વખતે નકલી ઓર્ડર મુકીને શેરનો ભાવ ઉંચો કરવો અને પછી એ ઓર્ડર કેન્સલ કરવો. કંપનીએ 2019થી 2025 સુધીમાં 173 કંપનીઓમાં નકલી સોદા ઓર્ડર કર્યા હતા. રોકાણકારો સાથે 621 વખત છેતરપિંડી કરી છે.