મહારાષ્ટ્ર વિધાનસભાની ચૂંટણીને 8 મહિના પુરા થયા છતા ફરી એકવાર કોંગ્રેસ નેતા રાહુલ ગાંધીએ ચૂંટણીમાં ગરબડ થઇ હોવાનું નિવેદન આપ્યું છે. એક અંગ્રેજી અખબારમાં રાહુલ ગાંધીએ ‘મેચ ફિક્સિંગ મહારાષ્ટ્ર’ શિર્ષક હેઠળ આર્ટિકલ લખ્યો છે, જે રાહુલે પોતાના X પ્લેટફોર્મ શેર કરીને લખ્યું છે કે આ 5 સ્ટેપમાં મહારાષ્ટ્રમાં ફિક્સીંગ થયું છે.
સ્ટેપ-1- ચૂંટણી પંચની નિમણુંક કરનારી પેનલમાં ગરબડ. સ્ટેપ-2 મતદાર યાદીમાં બોગસ નામ જોડવા. સ્ટેપ-3 મતદાનની ટકાવારી વધારે બતાવવી. સ્ટેપ-4 જ્યાં જ્યાં ભાજપને જીતની જરૂર હતી ત્યાં ત્યાં ભાજપે બોગસ વોટીંગ કરાવ્યું. સ્ટેપ-5 પુરાવવાને છુપાવવાનું કામ કર્યું. રાહુલ ગાંધીના નિવેદન પછી ભારતના ચૂંટણી પંચે જવાબ આપ્યો છે અને કહ્યું છે કે આ કાયદો, ચૂંટણી પંચના લાખો કર્મચારી અને લોકશાહીનું અપમાન છે.