ભારત માત્ર વિશ્વની સૌથી ઝડપથી આગળ વધતી વિકસતી અર્થવ્યવસ્થા જ નથી, પરંતુ ધનિક લોકોની સંખ્યાની દ્રષ્ટિએ પણ ટોચની યાદીમાં સામેલ છે. નાઈટ ફ્રેન્કના ગ્લોબલ વેલ્થ રિપોર્ટ-2025માં આ વાત સામે આવી છે. પ્રોપર્ટી કન્સલ્ટિંગ ફર્મે આ રિપોર્ટમાં કહ્યું છે કે, ભારત ટોચના વૈશ્વિક સંપત્તિ કેન્દ્ર તરીકે ઉભરી આવ્યું છે. દેશમાં હાઈ નેટ વર્થ ઈન્ડિવિઝ્યુઅલ્સ (HNWIs)ની સંખ્યા 85,698 પર પહોંચી ગઈ છે, જે તેને ધનિક લોકોની સંખ્યાની દ્રષ્ટિએ વિશ્વમાં ચોથા સ્થાને મૂકે છે.
રિપોર્ટ અનુસાર, હવે ધનિક લોકોની સંખ્યાની દ્રષ્ટિએ ભારત (ભારતમાં શ્રીમંત લોકો)થી માત્ર ત્રણ દેશો જ આગળ છે અને તેમાં અમેરિકા પ્રથમ સ્થાને છે, જ્યારે ચીન બીજા સ્થાને પ્રભુત્વ ધરાવે છે. જાપાનને ત્રીજા સ્થાને મુકવામાં આવ્યું છે. દેશમાં ધનિક લોકોની સંખ્યા સતત વધી રહી છે અને નાઈટ ફ્રેન્કનો નવો રિપોર્ટ તેનું ઉદાહરણ છે. આ ગતિ અહીં જ અટકવાની નથી, પરંતુ એજન્સીએ ગ્લોબલ વેલ્થ રિપોર્ટ બહાર પાડ્યો છે અને અંદાજ લગાવ્યો છે કે, વર્ષ 2028 સુધીમાં ભારતમાં HNWIની સંખ્યા વધીને 93,758 થઈ જશે.
જ્યારે HMWIની દ્રષ્ટિએ ભારત વિશ્વમાં ચોથા ક્રમે છે, ત્યારે દેશમાં અબજોપતિઓની સંખ્યા પણ ઘણા મોટા દેશો કરતા વધુ છે. રિપોર્ટ મુજબ, વર્ષ 2024માં, ભારતમાં અબજોપતિઓની સંખ્યા વાર્ષિક ધોરણે 12 ટકાના વધારા સાથે 191 થઈ ગઈ છે અને આ અબજોપતિઓની સંયુક્ત સંપત્તિ 950 બિલિયન ડૉલર હતી, જે તેને US (5.7 ટ્રિલિયન ડૉલર) અને ચીન (1.34 ટ્રિલિયન ડૉલર) પછી વૈશ્વિક સ્તરે ત્રીજા સ્થાને રાખે છે.
💰 Want to be in India’s Top 1%?
— Advait Arora (@WealthEnrich) June 10, 2025
You need ₹1.52 Cr net worth in 2025 (Knight Frank Wealth Report). But how doesstack up globally?👇
Monaco : ₹107 Cr
Switzerland : ₹71 Cr
Australia : ₹46 Cr
USA : ₹48 Cr
Singapore : ₹43 Cr
UAE : ₹13 Cr
Brazil :…
મીડિયા સૂત્રોના રિપોર્ટમાં, નિષ્ણાતોનો ઉલ્લેખ કરીને કહેવામાં આવ્યું છે કે ભારતના સૌથી ધનિક લોકોના ક્લબમાં જોડાવા માટે, તમારે રૂ. 1.52 કરોડની જરૂર પડશે. જો કે, ટોચના 1 ટકા ધનિકોમાં જોડાવા માટે આ પ્રવેશ મર્યાદા વૈશ્વિક ધોરણોની તુલનામાં સામાન્ય છે.
રોકાણ સલાહકાર અદ્વૈત અરોરાના કહેવા પ્રમાણે, મોનાકોમાં ટોચના 1 ટકામાં જોડાવા માટે, વ્યક્તિને 107 કરોડ રૂપિયાની જરૂર પડશે, જ્યારે સ્વિટ્ઝર્લૅન્ડમાં 71 કરોડ રૂપિયા, USમાં 48 કરોડ રૂપિયા અને ઓસ્ટ્રેલિયામાં 46 કરોડ રૂપિયાની જરૂર પડશે. સિંગાપોર માટે, આ કટ-ઓફ 43 કરોડ રૂપિયા, UAEમાં 13 કરોડ રૂપિયા અને બ્રાઝિલ માટે 3.6 કરોડ રૂપિયા છે.
ભારતમાં, 10 મિલિયન ડૉલરથી વધુ એટલે કે 87 કરોડ રૂપિયાની નેટવર્થ ધરાવતા લોકોને HNI શ્રેણીમાં મૂકવામાં આવે છે અને આ ધોરણને પૂર્ણ કરતા ધનિકોની સંખ્યા 85,698 સુધી પહોંચી ગઈ છે. આ આંકડો વિશ્વના કુલ ધનિક લોકોના 3.7 ટકા છે. નાઈટ ફ્રેન્કના મતે, ભારતમાં ધનિક લોકોની લાંબી યાદીનો શ્રેય ટેકનોલોજી તેમજ રિયલ એસ્ટેટ ક્ષેત્રને જાય છે. સતત વિકસતા સ્ટાર્ટઅપ્સનો પણ આમાં મોટો ફાળો છે.