યુસુફ પઠાણ કબજે કરેલી જમીનના પૈસા આપવા તૈયાર પણ કોર્ટે કેમ ના પાડી દીધી?

ટીમ ઇન્ડિયાના ક્રિકેટર અને તાજેતરમાં મમતાની પાર્ટીમાંથી સાસંદ બનેલા યુસુફ પઠાણને ગુજરાત હાઇકોર્ટે મોટો ઝટકો આપ્યો છે. ગુજરાત હાઇકોર્ટે ચુકાદો આપ્યો હતો કે, પૂર્વ ક્રિક્રેટર અને TMC સાસંદ યુસુફ પઠાણ વડોદરામાં રહેણાંક પ્લોટનો અતિક્રમણ કરનાર છે.

ગુજરાત હાઇકોર્ટે વડોદરા મહાનગર પાલિકાના અધિકારીઓને આદેશ આપ્યો છે કે, યુસુફ પઠાણે કરેલું અતિક્રમણ દુર કરવામાં આવે.

ગુજરાત હાઇકોર્ટ કહ્યુ કે, કોઇ પણ સેલિબ્રીટી કાયદાથી ઉપર નથી. કાયદોનો ભંગ કરનારને છૂટના મતલબથી સમાજમાં ખોટો મેસેજ જશે.

વડોદારા મહાનગર પાલિકાએ યુસુફ પઠાણને રહેણાંક પ્લોટ ખાલી કરવા માટે નોટીસ આપી હતી જેના જવાબમાં યુસુફ પઠાણે હાઇકોર્ટના દરવાજા ખટખટાવ્યા હતા, પરંતુ હાઇકોર્ટે યુસુફની અરજી રદ કરીને આ ચુકાદો આપ્યો હતો.