અમેરિકાની એપલ કંપનીનો i-phone 17 19 સપ્ટેમ્બર, શુક્રવારે ભારતમાં લોંચ થયો. હજારો, લાખો રૂપિયાની કિંમત હોવા છતા એપલના મુંબઇ અને દિલ્હીના શો-રૂમ પર એવો ધસારો થયો કે માત્ર લાંબી લાઇન નહી, પરંતુ મારામારી પણ થઇ ગઇ, વાત એટલી વણસી કે પોલીસને બોલાવવી પડી.
આ ફોન ખરીદવા માટે લોકો એપલના શો-રૂમની બહાર ગુરુવારે રાત્રે 12 વાગ્યાથી લાઇનમાં ઉભા રહી ગતા હતા. નવાઇની વાત એ છે કે,અમેરિકાના રાષ્ટ્રપતિ ડોનાલ્ડ ટ્રમ્પે ભારત પર 50 ટકા ટેરિફ નાંખ્યો પછી પ્રધાનમંત્રી નરેન્દ્ર મોદી વારંવાર સ્વેદશી અપનાવવાની વિનંતી કરી રહ્યા છે. પરંતુ અમેરિકાનો આ ફોન ખરીદવા લોકો પાગલ બની ગયા છે. એક ફોન ખરીદવા લોકો 8થી 10 કલાક લાઇનમાં ઉભા રહ્યા.
