અમેરિકાના ન્યૂયોર્ક શહેરના નવા મેયર ઝોહરાન મમદાનીએ તેમની ચૂંટણી જીતની ઉજવણીમાં જવાહરલાલ નેહરુના 1947ના પ્રખ્યાત ભાષણનો ઉલ્લેખ કર્યો. ભારતની સ્વતંત્રતા પર આપેલા ભાષણમાં નેહરુના શબ્દોનો સંદર્ભ આપવામાં આવ્યો, ઝોહરાન મમદાનીએ કહ્યું કે, મને જવાહરલાલ નેહરુના શબ્દો યાદ આવી રહ્યા છે. ઇતિહાસમાં એક દુર્લભ ક્ષણ આવે છે જ્યારે આપણે જૂનાથી નવા તરફ આગળ વધીએ છીએ, જ્યારે એક યુગનો અંત થાય છે અને જ્યારે લાંબા સમયથી દબાયેલા રાષ્ટ્રનો આત્માને અભિવ્યક્તિ મળે છે. આજે રાત્રે, ન્યૂયોર્કે બરાબર આવું જ કર્યું છે. આ નવો યુગ સ્પષ્ટતા, સાહસ અને દૂરદર્શિતાની માગ કરે છે, કોઈ બહાનાની નહીં.’
ભારતીય મૂળના ઝોહરાન મમદાનીએ મંગળવારે રાત્રે ન્યૂયોર્ક શહેરના સૌથી યુવા મેયર બનીને ઇતિહાસ રચી દીધો. તેઓ આ પદ સંભાળનારા પ્રથમ મુસ્લિમ અને દક્ષિણ એશિયન પ્રવાસી પણ છે. ડેમોક્રેટિક પ્રતિદ્વંદ્વી એન્ડ્રૂ કુઓમો અને રિપબ્લિકન ઉમેદવાર કર્ટિસ સિલ્વાને હરાવીને મમદાનીએ 50.4 ટકા મત હાંસલ કર્યા.
CBS ન્યૂઝ અનુસાર, મમદાનીએ આર્થિક અસમાનતા અને જીવનનિર્વાહના ખર્ચ સાથે જોડાયેલી સમસ્યાઓનું સમાધાન કરવાના વચનો સાથે ચૂંટણી લડી. તેમણે ભાડા પર સ્થિર મકાનોમાં રહેતા લોકો માટે ભાડું સ્થિર કરવા, સસ્તા મકાનોનું નિર્માણ, મફત અને ફાસ્ટ બસ સેવા, મફત ચાઇલ્ડકેર, ઉચ્ચ ખાદ્ય ખર્ચ ઘટાડવા માટે શહેરની માલિકીની કરિયાણાની દુકાનો અને અમીરો પર કારોમાં વધારવાનું વચન આપ્યું હતું. મમદાનીએ જેવું જ પોતાનું ભાષણ પૂરું કર્યું, તરત જ બેકગ્રાઉન્ડમાં બોલિવુડ ફિલ્મ ‘ધૂમ’નું ટાઇટલ સોંગ વાગવા લાગ્યું. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
