પ્રયોશા પ્રતિષ્ઠાન ડાંગ સંચાલિત સંતોકબા ધોળકિયા વિદ્યામંદિર માલેગામ ડાંગના ધોરણ 10ના વિદ્યાર્થીઓએ શૈક્ષણિક પ્રવાસ કર્યો હતો. જે અંતર્ગત ગાંધીનગર ખાતે સ્વર્ણિમ સંકુલ ખાતે મુખ્યમંત્રી ભૂપેન્દ્રભાઇ પટેલે વિદ્યાર્થીઓ સાથે સંવાદ કરી વિદ્યાર્થીઓને પ્રોત્સાહિત કર્યા હતા. કૃષિમંત્રી જીતુભાઈ વાધાણી પણ સાથે જોડાયા હતા. મુખ્યમંત્રીએ તમામ વિદ્યાર્થીઓ માટે ગરમ નાસ્તો તથા જ્યુસની વ્યવસ્થા કરાવી હતી.
સ્વામીજીએ શાળાની વિશેષત્તાઓ તથા વિદ્યાર્થીઓની વિવિધ પ્રવૃતિઓ તથા સિદ્ધિઓથી મુખ્યમંત્રીને માહિતગાર કર્યાં હતા. સતત મીટીંગોના દોર વચ્ચેથી ડાંગના વિદ્યાર્થીઓ માટે સમય ફાળવી વનવાસી વિદ્યાર્થીઓ પ્રતિ તેમની લાગણી વ્યક્ત કરી હતી.
