પ્રાંતિજ નગરપાલિકા: લાખોની ખરીદી, ધૂળમાં દટાયેલી વિકાસયાત્રા

પ્રાંતિજ નગરપાલિકા: લાખોની ખરીદી, ધૂળમાં દટાયેલી વિકાસયાત્રા
– પ્રાંતિજ નગરપાલિકા ખાતે ત્રણ વાહનો છેલ્લા છ મહિના થી ધુળ ખાય છે
– ટ્રેક્ટર , બકેટ મશીન , પાણી ની ટેન્કર  ઉપર ધુળ સાથે બાવા ચડ્યા
– કોના પાપે નગરજનો માટે ખરીદી થયેલ વાહનો ધુળ ખાય છે
– અંદાજે ૨૭ લાખ ઉપર ના વાહનો ધુળ ખાય છે
– બજાર ભાવ કરતા GEM  પોર્ટલ મારફતે કેમ ખરીદી કરવામા આવી
– ટ્રેક્ટર- ૮,૦૦,૦૦૦ , પાણીની ટેન્કર-૪,૫૦,૦૦૦ , બકેટ મશીન- ૧૫ લાખ
– પાર્સિગ વગર ટ્રેક્ટર ની ખરીદી કઈ રીતે થઈ એ પણ પ્રશ્ન

સાબરકાંઠા જિલ્લાના પ્રાંતિજ નગરપાલિકામાં જાહેર નાણાંના ઉપયોગ અંગે ગંભીર સવાલો ઊભા થયા છે નગરજનોના ટેક્સના પૈસાથી અંદાજે ૨૭ લાખ રૂપિયાના ખર્ચે ખરીદાયેલા ટ્રેક્ટર, બકેટ મશીન અને પાણીના ટેન્કર છેલ્લા છ મહિનાથી વપરાશ વિના પાલિકા પરિસરમાં ધૂળ ખાતા પડ્યા છે વિકાસના સાધનો તરીકે ખરીદાયેલા આ વાહનો આજે બેદરકારી અને આયોજનના અભાવનું જીવંત ઉદાહરણ બની રહ્યા છે

માહિતી મુજબ, ટ્રેક્ટર માટે અંદાજે ૮ લાખ, પાણીની ટેન્કર માટે ૪૫૦ લાખ અને બકેટ મશીન માટે લગભગ ૧૫ લાખ રૂપિયાનું ખર્ચ કરવામાં આવ્યું હતું છતાં, ખરીદી બાદથી આ ત્રણેય સાધનોનો ઉપયોગ થયો નથી, જેના કારણે ટાયર અને બેટરી જેવી આવશ્યક ઘટકો બગડવાની શક્યતા વધી રહી છે ચોંકાવનારી બાબત એ છે કે ટ્રેક્ટર હજુ સુધી પાર્સિંગ વિના જ પડ્યું છે, જે ખરીદી પ્રક્રિયા પર પણ પ્રશ્નચિહ્ન ઊભું કરે છે સ્થાનિક લોકો અને જાગૃત નાગરિકો પૂછે છે કે જ્યારે આ સાધનો જનસેવા માટે ખરીદવામાં આવ્યા હતા, ત્યારે તે વપરાશમાં કેમ લેવામાં આવતા નથી? વધુમાં, ગેરંટી અને વોરંટીનો સમયગાળો પણ વપરાશ વગર જ પૂર્ણ થવાની કગાર પર છે, જે સીધી રીતે નગરજનોના નાણાંનો દુરુપયોગ દર્શાવે છે

આ મુદ્દે પાલિકાના ચીફ ઓફિસર હિરેનભાઈ સોલંકીનો સંપર્ક કરતા તેમણે કોઈ સ્પષ્ટ જવાબ આપવાનો ઇન્કાર કર્યો હતો અને લેખિતમાં પ્રશ્નો માંગવા જણાવ્યું હતું પત્રકારો અને નાગરિકોના પ્રશ્નોને ટાળવાનો આ વલણ વધુ શંકા ઊભી કરે છે આ એક માત્ર ઘટના નથી પ્રાંતિજ નગરપાલિકામાં અગાઉ પણ કરોડો રૂપિયાનો ખર્ચ કરીને ટાઉનહોલ અધૂરો રહેવાનો મુદ્દો, લાખો રૂપિયાના ખર્ચે બનેલું ફાયર સ્ટેશન આજે ખંડેર બનવું અને શહેરના વિવિધ વિસ્તારોમાં બનાવાયેલા બગીચાઓ ગાયબ થવા જેવી ઘટનાઓ સામે આવી ચૂકી છે

આ બધું મળીને પાલિકાના કાર્ય પર ગંભીર પ્રશ્નો ઊભા કરે છે હવે જરૂર છે પારદર્શકતા અને જવાબદારીની નગરજનો માંગ કરી રહ્યા છે કે આ મુદ્દે ઉચ્ચસ્તરીય તપાસ થાય અને જવાબદારો સામે કડક કાર્યવાહી કરવામાં આવે, જેથી ભવિષ્યમાં જાહેર નાણાંનો આવા રીતે વ્યય ન થાય

જીલ રાવલ સાબરકાંઠા