ગુજરાતમાં હાલ મિશ્ર ઋતુનો માહોલ જામ્યો છે. માર્ચ મહિનાની શરૂઆતથી જ વાતાવરણમાં સતત પલટા જોવા મળી રહ્યા છે. એક તરફ ઉનાળાનો પ્રારંભ થઈ રહ્યો છે, ત્યારે બીજી તરફ સક્રિય થયેલા ‘વેસ્ટર્ન ડિસ્ટર્બન્સ’ને કારણે રાજ્યમાં ફરી એકવાર કમોસમી વરસાદ એટલે કે માવઠાની ભીતિ સેવાઈ રહી છે.
માર્ચના અંતમાં માવઠાની આગાહી
જાણીતા હવામાન નિષ્ણાત અંબાલાલ પટેલે જણાવ્યું છે કે 24 માર્ચની આસપાસ એક નવો વિક્ષેપ સર્જાતા વાતાવરણ પલટાશે. ઉત્તર ગુજરાત, મધ્ય ગુજરાત અને કચ્છમાં વાદળછાયું વાતાવરણ રહેશે. 25 થી 28 માર્ચ દરમિયાન છૂટાછવાયા વરસાદની શક્યતા છે. આગામી 3 દિવસમાં પારો 2 થી 3 ડિગ્રી ઉંચકાય તેવી પણ શક્યતા છે.
એપ્રિલ અને મે મહિનો રહેશે તોફાની
અંબાલાલ પટેલના જણાવ્યા મુજબ, માત્ર માર્ચ જ નહીં પણ એપ્રિલ મહિનો પણ કુદરતી આફતોથી ભરેલો રહેશે:
- એપ્રિલ: 4 થી 8 એપ્રિલ અને ફરી 8 થી 10 એપ્રિલ દરમિયાન પ્રી-મોન્સૂન એક્ટિવિટીના ભાગરૂપે વરસાદી ઝાપટા પડી શકે છે. પવનની ગતિ 40 થી 50 કિમી પ્રતિ કલાક સુધી પહોંચી શકે છે.
- ગરમીનો પારો: 26 એપ્રિલ બાદ ગરમી આક્રમક બનશે અને તાપમાન 43 થી 45 ડિગ્રી સુધી પહોંચી શકે છે.
- મે-જૂન: મે મહિનામાં આંધી-વંટોળની શક્યતા છે. 24 મે થી 4 જૂન વચ્ચે ફરી વરસાદી માહોલ સર્જાશે.
અરબી સમુદ્રમાં વાવાઝોડાનું સંકટ અને વહેલી વાવણી
હવામાન નિષ્ણાતે દરિયાઈ હલચલ અંગે પણ ગંભીર ચેતવણી આપી છે:
- ચક્રવાતની શક્યતા: 17મી મે બાદ અરબી સમુદ્રમાં હલચલ વધશે. 8મી જૂનથી પવનની દિશા બદલાતા 20મી જૂન સુધીમાં વાવાઝોડું બનવાની શક્યતા છે.
- વહેલી વાવણી: આ વર્ષે ચોમાસું વહેલું બેસે તેવા સંકેતો છે, જેના કારણે ગુજરાતમાં વાવણી વહેલી થઈ શકે છે.
હવામાન વિભાગનું અનુમાન
હાલમાં પાકિસ્તાન પર સર્જાયેલા અપર એર સર્ક્યુલેશનને કારણે અમદાવાદ સહિતના વિસ્તારોમાં વાદળછાયું વાતાવરણ રહેશે. જોકે, વિભાગના જણાવ્યા મુજબ આગામી એક સપ્તાહ મુખ્યત્વે સૂકું રહેશે, પરંતુ 28 થી 30 માર્ચ વચ્ચે ગાજવીજ અને પવન સાથે હળવા માવઠાની શક્યતા નકારી શકાય તેમ નથી.
ખેડૂતો અને જનતા માટે સૂચના
બપોરે કાળઝાળ ગરમી અને સાંજે વરસાદી ઝાપટા જેવી ‘ડ્યુઅલ સીઝન’ને કારણે સ્વાસ્થ્ય બગડવાની અને પાકને નુકસાન થવાની ભીતિ છે. ખેડૂતોને તેમના પાકની જાળવણી માટે આગોતરા પગલાં લેવા સલાહ આપવામાં આવી છે.
ઓઇલ ક્રાઇસીસ સામે નિપટવા દુનિયાભરના દેશોએ લીધા આ પગલા
વર્તમાન પરિસ્થિતિને ધ્યાનમાં રાખીને એશિયાથી લઇને આફ્રિકા અને યુરોપની સરકારોએ ઓઇલ ક્રાઇસીસ માટે પોત પોતાના દેશમાં ઇંધણ બચાવવા માટેના પગલા લેવાનું શરૂ કરી દીધું છે. મિડલ ઇસ્ટમાંથી ઓઇલ પુરવઠો બાધિત થવાને કારણે આખી દુનિયા મુશ્કેલીમાં મુકાઇ ગઇ છે.
