દિલ્હીના જંતર-મંતર પર વિદ્યાર્થીઓના વિરોધ પ્રદર્શન દરમિયાન ભોજન વિતરણ કરનાર જુનૈદના ગાઝિયાબાદના ઘર નાહલ ગામે જઇને તેના ભંડોળના સ્ત્રોતો વિશે પૂછપરછ કરી હતી. તેના પરિવારના જણાવ્યા મુજબ, પોલીસ તેના પિતાને પહેલી રાત્રે સ્ટેશન લઈ ગઈ અને બાદમાં ઓળખ દસ્તાવેજો અને બેંક પાસબુક જપ્ત કરી. તો, જુનૈદે પોલીસ દ્વારા તેના પરિવારને હેરાનગતિ, ગેરકાયદેસર અટકાયત અને ધાકધમકીનો આરોપ લગાવતા સુપ્રીમ કોર્ટમાં અરજી દાખલ કરી છે.
જુનૈદના દાદા આફતાબ અલીએ જણાવ્યું હતું કે પોલીસ બે વાર તેમના ઘરે આવી હતી. પહેલી રાત્રે તેના પિતા મુસ્તફાને પોલીસ સ્ટેશન લઈ જવામાં આવ્યો હતો, પરંતુ ગ્રામજનોએ દરમિયાનગીરી કર્યા પછી તેને છોડી મૂકવામાં આવ્યો હતો. બીજા દિવસે સવારે પોલીસે બેંક પાસબુક અને દસ્તાવેજો લઈ લીધા. આ ઉપરાંત, મેરઠમાં જુનૈદની બહેનના સાસરિયાઓની પણ પૂછપરછ કરવામાં આવી.
પોલીસ એ જાણકારી એકત્ર કરી રહી છે પ્રદર્શનકારીઓને ભોજન પૂરું પાડવા માટે ભંડોળ ક્યાંથી આવ્યું. આ અંગે વાત કરતા આફતાબ અલીએ જણાવ્યું હતું કે જુનૈદે પોતાના ખિસ્સામાંથી ચારથી પાંચ હજાર રૂપિયા ખર્ચ્યા હતા, જ્યારે બાકીની મદદ મિત્રો અને અન્ય લોકોએ બાકરી હતી. ઘણા લોકોએ રોકડ આપવાને બદલે સીધી ખાદ્ય સામગ્રી પૂરી પાડી હતી.
ગાઝિયાબાદ પોલીસ અધિકારીઓએ ધરપકડના દાવાઓને નકારી કાઢ્યા છે. DCP (ગ્રામીણ ઝોન) સુરેન્દ્રનાથ તિવારીએ જણાવ્યું હતું કે, જુનૈદના પિતાને ફક્ત નિયમિત પૂછપરછ માટે મસૂરી પોલીસ સ્ટેશનમાં બોલાવવામાં આવ્યા હતા અને પછી તેમને ઘરે મોકલી દેવામાં આવ્યા હતા. જુનૈદના પિતાએ આ વાતની પુષ્ટિ કરતો એક વીડિયો પણ જાહેર કર્યો છે.
સુપ્રીમ કોર્ટમાં જુનૈદે દાખલ કરેલી અરજી અનુસાર, દિલ્હી પોલીસે 24 જુલાઈની રાત્રે તેને 5-6 કલાક માટે વાહનમાં બંધક બનાવી રાખ્યો હતો અને તેને નિર્જન વિસ્તારમાં છોડી દીધો હતો. અરજીમાં તેના પરિવારના સભ્યોને યોગ્ય કાનૂની પ્રક્રિયા વિના અટકાયતમાં લેવાનો આરોપ લગાવતા ઉત્પીડન પર પ્રતિબંધ અને સ્વતંત્ર તપાસની માંગ કરવામાં આવી છે.