મધ્ય પ્રદેશના સાગરમાં ગેરકાયદેસર અને ઝેરી દારૂ પીવાથી 14 લોકોના મોત થયા છે. જોકે, સાગર વહીવટીતંત્રએ અત્યાર સુધીમાં માત્ર 11 લોકોના મોતની સત્તાવાર પુષ્ટિ કરી છે. આ ઉપરાંત, ઝેરી દારૂથી પીડિત લગભગ 30 લોકો હોસ્પિટલમાં સારવાર લઈ રહ્યા છે. ન્યૂઝ18ના અહેવાલ મુજબ, આ સમગ્ર મામલે અનેક ચોંકાવનારા ખુલાસા સામે આવી રહ્યા છે. બાંદા તાલુકાનાગ્રામજનોએ મોટો દાવો કર્યો કે ગામમાં ખૂબ જ જૂનો દારૂ વેચાઈ રહ્યો હતો. દારૂ માફિયા જૂની દારૂની બોટલો પર પેન અને માર્કરથી નવી તારીખો નાખી દેતા હતા. તેઓ 2020-21ની બોટલો પર વર્ષ 2026 લખીને વેચતા હતા.
ગ્રામજનોના જણાવ્યા મુજબ, આ ગેરકાયદેસર દારૂનો વેપાર વર્ષોથી સાગરના બંડામાં આ ગેરકાયદેસર ધંધો ચાલી રહ્યો, અને વિવિધ ગામોમાં દારૂ વેચાતો હતો. આને રોકવા માટે બામૂરા ખેડા ગામના યુવાનો મળની નશામુક્તિ સંગઠન’ બનાવ્યું હતું. આ સંગઠન ગેરકાયદેસર દારૂના ઉત્પાદન, વેચાણ અને પીનારાઓ સામે કાર્યવાહી કરતું હતું અને સાલોકોને જાગૃત પણ કરતું હતું. પોતાનો દુઃખ વ્યક્ત કરતા ગ્રામજનોએ કહ્યું કે તેઓ આ ગેરકાયદેસર વેપારને સંપૂર્ણપણે રોકી શક્યા નથી કારણ કે સ્થાનિક વહીવટીતંત્ર સાથેની મિલીભગતને કારણે ગેરકાયદેસર દારૂનું રેકેટ સતત ચાલી રહ્યું હતું.
પીડિત પરિવારોને મળવા પહોંચેલા વિપક્ષના નેતા ઉમંગ સિંઘરે પણ આ વાતની પુષ્ટિ કરી હતી. તેમણે જણાવ્યું હતું કે ગ્રામજનોએ તેમને જણાવ્યું કે એક્સપાયર દારીની તારીખ બદલીને ખુલ્લેઆમ વેચાણ કરવામાં આવી રહ્યું હતું. સિંઘરે આરોપ લગાવ્યો હતો કે સરકાર અને વહીવટીતંત્ર આ સમગ્ર ગેરકાયદેસર રેકેટમાં સંપૂર્ણપણે સંડોવાયેલા છે. આ દરમિયાન, કોંગ્રેસ ધારાસભ્ય દળે દરેક પીડિત પરિવાર માટે ₹50,000 ની નાણાકીય સહાયની જાહેરાત કરી છે.
પોલીસ અને વહીવટીતંત્ર દ્વારા તપાસમાં જાણવા મળ્યું છે કે આ ગેરકાયદેસર દારૂ ઉત્તર પ્રદેશના લલિતપુરથી સાગર પ્રદેશમાં સપ્લાય કરવામાં આવી રહ્યો હતો. આ કેસના સંદર્ભમાં યુપીની બહાર કાર્યરત એક મોટા રેકેટનો પર્દાફાશ થયો છે. આરોપીઓ નકલી રેપર, નકલી ઢાકણ અને નકલી QR કોડ લગાવીને ગેરકાયદેસર દારૂ વેચતા હતા. ગત દિવસોમાં લલિતપુરમાં તાજેતરમાં પકડાયેલા આરોપીઓની પૂછપરછ દરમિયાન આ વિગતો સામે આવી છે. આ ઝેરી દારૂ બાંદરી, બરોડિયા નૌરાજ, બરાજ અને ઘુઘર સહિત અનેક ગામોમાં સપ્લાય કરવામાં આવતો હતો.