ઉત્તર પ્રદેશ વિધાનસભામાં મુખ્યમંત્રી યોગી આદિત્યનાથનું રૌદ્ર સ્વરૂપ જોવા મળ્યું. મુખ્યમંત્રી યોગી આદિત્યનાથે કહ્યું કે, હું અહી નોકરી કરવા નથી આવ્યો, પ્રતિષ્ઠા જોઇતી હોત તો મઠમાં જ મળી જતી. જે રાજ્યની દીકરી અને વેપારીઓની સુરક્ષામાં સેન્ધ લગાવવાનું કામ કરશે તેમની વિરુદ્ધ મારું દાયિત્વ બને છે કે હું તેમની વિરુદ્ધ કાર્યવાહી કરું. હું અહી નોકરી કરવા નથી આવ્યો. હું અહી આવ્યો છું કે જો કોઇ ખોટું કરશે તો તે ભોગવશે. અમારી આ લડાઇ કોઇ પ્રતિષ્ઠાની લડાઇ નથી.
ઉલ્લેખનીય છે કે, ઉત્તર પ્રદેશની રાજધાનીના ગોમતી નગરમાં બુધવારે મરીન ડ્રાઇવ પાસે પુલ નીચે ભરાયેલા પાણીમાં અસામાજિક તત્વોએ બાઇક પર મિત્ર સાથે જઇ રહેલી યુવતી સાથે અભદ્રતા અને છેડછાડ કરી હતી. આ મામલે હવે 4 લોકોની ધરપકડ કરવામાં આવી છે. સાથે જ આ મામલે ઘણા પોલીસકર્મીઓ પર કાર્યવાહી પણ થઇ રહી છે. પોલીસ મહાનિર્દેશક પ્રશાંત કુમારે સોશિયલ મીડિયાના માધ્યમથી જણાવ્યું કે, 31 જુલાઇએ તાજ હોટલ નજીક ગોતમી નગર પોલીસ સ્ટેશનમાં બનેલા અંડરપાસ નજીક વરસાદથી પાણી ભરાવો થવા, તેમજ આવતા જતા લોકો અને વાહનો સાથે કેટલાક અસામાજિક તત્વોએ અફરાતફરી અને આપત્તિજનક ગતિવિધિઓ કરવાના મામલે 4 લોકોની ધરપકડ કરી છે.
તેની સાથે જ સ્થાનિક વરિષ્ઠ પોલીસ અધિક્ષકને હટાવી દીધા છે. તો સ્થાનિક પ્રભારી નિરીક્ષક, પોલીસ સ્ટેશનના ઇનચાર્જ અને પોલીસ સ્ટેશન પર ઉપસ્થિત બધા પોલીસકર્મીઓને સસ્પેન્ડ કરી દેવામાં આવ્યા છે. જેમને હટાવવામાં આવ્યા છે તેમાં પ્રબળ પ્રતાપ સિંહ, અમિત કુમાવત, શશાંક સિંહ, પંકજ કુમાર સિંહ, કૃપા શંકર, રાઘવેન્દ્ર સિંહ, વિકાસ કુમાર જાયસ્વાલ અને અંજુ જૈનનો સામેલ છે. જે લોકોને સસ્પેન્ડ કરવામાં આવ્યા છે તેમાં ઇન્સ્પેક્ટર ગોમતીનગર દીપક કુમાર પાંડે, પોલીસ સ્ટેશનના ઇન્ચાર્જ ઇન્સ્પેક્ટર ઋષિ વિવેક, ઇન્સ્પેક્ટર કપિલ કુમાર, કોન્સ્ટેબલ વીરેન્દ્ર કુમારનો છે.
પોલીસે જણાવ્યું કે, સૂચનાનું સંજ્ઞાન લેતા પોલીસ ગોમતી નગર પોલીસ સ્ટેશનમાં ફરિયાદ નોંધવામાં આવી છે. અસામાજિક તત્વોની ધરપકડના પ્રયાસના ક્રમમાં 4 આરોપીઓની ધરપકડ કરવામાં આવી છે તેમજ સાક્ષી અને CCTV ફૂટેજના આધાર પર સુસંગત કલમોમાં વૃદ્ધિ કરવામાં આવી છે. VIP વિસ્તારમાં ભરાયેલા પાણીમાં અફરાતફરી મચાવી રહેલા અસામાજિક તત્વોએ બાઇકથી મિત્ર સાથે જતી યુવતી સાથે અભદ્રતા કરી. છેડછાડ કરીને તેણે પાણીમાં પાડી દીધી. ઘટનાનો વીડિયો સોશિયલ મીડિયા પર વાયરલ થયો તો પોલીસ હરકતમાં આવી. ઘટનાની FIR નોંધવામાં આવી અને ગુરુવારે 4 લોકોની ધરપકડ કરાઇ છે.