પ્રધાનમંત્રી નરેન્દ્ર મોદીના 17 સપ્ટેમ્બરે જન્મ દિવસ છે અને આ વખતે PM 3 દિવસની ગુજરાતની મુલાકાતે છે. પ્રધાનમંત્રી એવા સમયે રાજ્યમાં આવી રહ્યા છે જ્યારે બે મોટા તહેવારો આ જ દિવસમાં આવી રહ્યા છે.16 સપ્ટેમ્બરે ઇદ ને 17 સપ્ટેમ્બરે ગણેશ વિસર્જન. આ બંને તહેવારો એવા છે કે જેમાં લાખોની મેદની ભેગી થતી હોય છે. એક તરફ પ્રધાનમંત્રીની હાજરી અને બીજી તરફ તહેવારો એટલે પોલીસ ટેન્શનમાં છે. જો કે, પોલીસ અધિકારીઓનું કહેવું છે કે બધી વ્યવસ્થા ગોઠવાઇ છે.
પ્રધાનમંત્રી 15 તારીખે અમદાવાદ એરપોર્ટ પર આવશે અને સીધા વડસર એરફોર્સ સ્ટેશન જવાના છે અને એ પછી સીધા રાજભવન જશે. 16 તારીખે PMનો GMDC ગ્રાઉન્ડ પર મોટો કાર્યક્રમ છે. જેમાં 2500 પોલીસનો કાફલો ગોઠવવામાં આવ્યો છે.17 સપ્ટેમ્બરે પ્રધાનમંત્રી સવારે 9 વાગ્યે ઓડિશા જવા રવાના થશે.
