કોંગ્રેસે હરિયાણા ચૂંટણીને લઈને ગેરંટી પત્ર બહાર પાડ્યો છે. કોંગ્રેસ અધ્યક્ષ મલ્લિકાર્જુન ખડગેએ બુધવારે પાર્ટીની સાત ગેરંટીઓને ગણાવી હતી. કોંગ્રેસે કહ્યું હતું કે, જો રાજ્યમાં અમારી સરકાર બનશે તો ગરીબોને બે રૂમનું મકાન આપવામાં આવશે અને મહિલાઓને દર મહિને 2000 રૂપિયા આપવામાં આવશે.
હરિયાણા કોંગ્રેસના અધ્યક્ષ ઉદય ભાને કહ્યું કે, BJPના શાસનમાં હરિયાણામાં ગુનાઓ વધ્યા છે. મહિલા સશક્તિકરણ માટે દર મહિને બે હજાર રૂપિયા આપવામાં આવશે. 18 વર્ષથી 60 વર્ષ સુધીની મહિલાઓ પાત્ર હશે. મોંઘવારીનો બોજ ઘટાડવા માટે 500 રૂપિયામાં ગેસ સિલિન્ડર આપવામાં આવશે. લોકોની મુશ્કેલીઓ ઘટાડવા માટે, વૃદ્ધો, અપંગો અને વિધવાઓને 6,000 રૂપિયા પેન્શન આપવામાં આવશે. નિવૃત્ત કર્મચારીઓનું જીવન સરળ બનાવવા માટે OPS લાગુ કરવામાં આવશે. યુવાનોને સારું ભવિષ્ય આપવામાં આવશે. 2 લાખ ખાલી જગ્યાઓ ભરવામાં આવશે. હરિયાણાને નશા મુક્ત બનાવવામાં આવશે. 300 યુનિટ મફત વીજળી આપવામાં આવશે.
ઉદયભાને વધુમાં જણાવ્યું હતું કે, ચિરંજીવી યોજનાની તર્જ પર 25 લાખ રૂપિયાની મફત સારવાર આપવામાં આવશે. ગરીબ પરિવારોને 100 યાર્ડના પ્લોટ આપવામાં આવશે. અમે કાનૂની MSP ગેરંટી સુનિશ્ચિત કરીશું.
હરિયાણા માટે કોંગ્રેસની ગેરંટીઃ 300 યુનિટ સુધી મફત વીજળી અને 25 લાખ રૂપિયા સુધીની મફત તબીબી સારવાર આપવામાં આવશે. મહિલાઓને દર મહિને 2,000 રૂપિયા આપવામાં આવશે. 500 રૂપિયામાં સિલિન્ડર આપવામાં આવશે. 2 લાખ ખાલી જગ્યાઓ પર ભરતી કરવામાં આવશે. ડ્રગ ફ્રી હરિયાણાની પહેલ કરવામાં આવશે.
વૃદ્ધાવસ્થા, વિકલાંગતા અને વિધવા પેન્શન રૂ. 6000 હશે. જૂની પેન્શન યોજના (OPS) પુનઃસ્થાપિત કરવામાં આવશે. જાતિ ગણતરી હાથ ધરવામાં આવશે. ક્રીમી લેયરની મર્યાદા વધારીને 10 લાખ રૂપિયા કરવામાં આવશે. મિનિમમ સપોર્ટ પ્રાઈસ (MSP)ની કાનૂની ગેરંટી આપવામાં આવશે. પાકનું વળતર તાત્કાલિક મળશે. ગરીબો માટે આવાસ લાવીશું. 100 યાર્ડનો પ્લોટ આપવામાં આવશે. 3.5 લાખની કિંમતનું 2 રૂમનું મકાન આપવામાં આવશે.
દિલ્હીમાં AICC મુખ્યાલય ખાતે હરિયાણા વિધાનસભા ચૂંટણી માટે પાર્ટીના મેનિફેસ્ટોના ભાગ રૂપે ગેરંટી કાર્ડ બહાર પાડવામાં આવ્યું છે. આ દરમિયાન કોંગ્રેસ અધ્યક્ષ મલ્લિકાર્જુન ખડગે, કોંગ્રેસ મહાસચિવ KC વેણુગોપાલ, હરિયાણાના પૂર્વ CM ભૂપિન્દર સિંહ હુડ્ડા, હરિયાણા કોંગ્રેસ અધ્યક્ષ ઉદય ભાન પણ હાજર હતા.
