નિપ્પોન ઇન્ડિયા મ્યુચ્યુઅલ ફંડ, જેને પહેલા રિલાયન્સ મ્યુચ્યુઅલ ફંડ તરીકે ઓળખાતું હતું તેમાં સેબી અને CBIની તપાસ ચાલી રહી છે. આ તપાસ યસ બેંકના પ્રમોટર રાણા કપુરની માલિકીની મોર્ગન ક્રેડીટ પ્રાઇવેટ લિમિટેડના નોન- ક્ન્વર્ટીબલ ડિબેન્ચરમાં રિલાયન્સ મ્યુ.ફંડના રોકાણ વિશે છે.
યસ બેંકના AT 1 બોન્ડમાં રિલાયન્સની જુદી જુદી કંપનીઓએ 2850 કરોડ રૂપિયાનું રોકાણ કર્યું હતું, પરંતુ તેમાંથી 950 કરોડના રોકાણની તપાસ કરવામાં આવી રહી છે.
નિપ્પોન મ્યુ. ફંડે સેબીને રજૂઆત કરી હતી કે આ કૌભાંડ રિલાયન્સના સમયનું છે, અમને મુશ્કેલીમાંથી બહાર કાઢો. એ પછી સેબી તપાસ શરૂ કરી અને તેની સાથે CBIની પણ એન્ટ્રી થઇ ગઇ હતી.CBIએ એપ્રિલ 2018ના ટ્રાન્ઝેકશન સંબંધિત દસ્તાવેજો નિપ્પોન પાસે માંગ્યા છે, પરતં હજુ સુધી કંપનીએ આપ્યા નથી.
