‘તારક મહેતા કા ઉલ્ટા ચશ્મા’માં ફરી એકવાર ચુકવણી અટકાવવાના આરોપોનો મુદ્દો ઉઠાવવામાં આવ્યો. ગુરચરણ સિંહે આરોપ લગાવ્યો કે, અસિત મોદીએ તેમનું પેમેન્ટ રોકી દીધું. અસિત મોદીએ આ આરોપોને નકારી કાઢ્યા અને કહ્યું કે ગુરચરણ સિંહે પોતે જ શો છોડવાનો નિર્ણય લીધો હતો.
‘તારક મહેતા કા ઉલ્ટા ચશ્મા’ ઘણા સમયથી સમાચારમાં છે. એવો આરોપ લગાવવામાં આવ્યો છે કે કલાકારે શો અધવચ્ચે જ છોડી રહ્યા છે, નિર્માતાઓ બાકી રકમ ચૂકવી રહ્યા નથી અને સેટ પર માનસિક ત્રાસ આપી રહ્યા છે. જોકે, અસિત મોદીએ આ આરોપોને નકારી કાઢ્યા છે. હવે ફરી એકવાર આ જ પ્રકારનો મુદ્દો ઉઠાવવામાં આવ્યો, જ્યારે ગુરચરણ સિંહે અસિત મોદી પર ચુકવણી અટકાવવાનો આરોપ લગાવ્યો. અભિનેતા હાલમાં હોસ્પિટલમાં દાખલ છે. જ્યારે, નિર્માતાએ પ્રતિક્રિયા આપી છે.
મીડિયા સૂત્રો સાથેની વાતચીતમાં, શોના નિર્માતા અસિત મોદીએ ગુરુચરણના શોમાંથી બહાર નીકળવા પાછળનું સાચું કારણ જાહેર કર્યું. તેણે કહ્યું કે તેનો અને ગુરુચરણનો ગાઢ સંબંધ છે અને તેનો પરિવાર પણ તેને ખૂબ પ્રેમ કરે છે. તેમણે કહ્યું, ‘ગુરુચરણ ખૂબ જ સારા વ્યક્તિ છે અને હું તેમની સાથે ભાવનાત્મક રીતે ખૂબ જ જોડાયેલો છું.’ મારી પત્ની અને બાળકો તેને પ્રેમ કરે છે અને સમ્માન આપે છે.’
અસિત મોદીએ આગળ કહ્યું, ‘તેઓ વચ્ચે ઘણી સમસ્યાઓમાંથી પસાર થઈ રહ્યા હતા અને હું તેમના માટે પ્રાર્થના કરું છું કે, તેઓ આ મુશ્કેલ સમયમાંથી બહાર આવે.’ નિર્માતાએ વધુમાં ખુલાસો કર્યો કે, ગુરુચરણ પોતે જ શો છોડી ગયો હતો અને તે તેમનો વ્યક્તિગત નિર્ણય હતો, તેમણે પોતે જ શો છોડવાનો નિર્ણય લીધો. આ તેમનો નિર્ણય હતો, અમે તેમને ક્યારેય જવા માટે કહ્યું નથી. તેને હવે એવું લાગે છે કે તેણે આ શોનો ભાગ બનવું જોઈતું હતું અને તેને આ શો ગમે છે.’
અસિત મોદીએ વધુમાં ઉમેર્યું, ‘TMKOC એ 16 વર્ષ પૂર્ણ કર્યા છે અને શો છોડવા પાછળ લોકોના પોતાના અંગત કારણો છે અને તમે કોઈને હંમેશા માટે તમારા શોનો ભાગ બનવાની અપેક્ષા રાખી શકતા નથી. હજુ પણ મોટાભાગના કલાકારો TMKOC સાથે સંકળાયેલા છે અને આ એક મોટી સિદ્ધિ છે. આ એક દૈનિક શો છે.’
અસિત કુમાર મોદીએ જણાવ્યું કે, TMKOC લોકો માટે કેવી રીતે એક લાગણી બની ગઈ છે, ‘તારક મહેતા કા ઉલ્ટા ચશ્માને લોકોએ અપાર પ્રેમ આપ્યો છે. આ શો હવે બીજા બધાથી ઉપર છે, તે પૈસા કમાવવાનું મશીન નથી, તે એક લાગણી બની ગયું છે. આ શો સાથે સંકળાયેલા દરેક વ્યક્તિએ તેમના જીવનમાં ફક્ત સારું જ કર્યું છે. લોકોનો દેખાવ પણ બદલાઈ ગયો છે, શોમાં જે બાળકો હતા તે બધા હવે મોટા થઈ ગયા છે. હું જ્યારે તેઓ નાના હતા ત્યારે તેમને પૂછતો અને ઠપકો આપતો કે, શું તેઓ સારી રીતે ભણવા તો જાય છે ને.’
જો કે હાલમાં ગુરચરણ સિંહ સોઢીની હાલત ખૂબ જ નાજુક છે. તેને હોસ્પિટલમાં દાખલ કરવામાં આવ્યો છે. તાજેતરમાં તેના એક નજીકના મિત્રએ તેમના સ્વાસ્થ્ય વિશે કહ્યું હતં કે અભિનેતાએ ઘણા દિવસોથી કંઈ ખાધું નથી, તેથી તેમની હાલત વધુ ગંભીર બની રહી છે. ગુરચરણ 22 એપ્રિલ, 2024 ના રોજ ગુમ થયો હતો અને 17 મે ના રોજ 26 દિવસ પછી ઘરે પાછો ફર્યો હતો. મે 2024થી તે ફક્ત પ્રવાહી પર જીવી રહ્યો છે અને તેણે કોઈ ખોરાક ખાધો નથી.
