ડોનાલ્ડ ટ્રમ્પે ટેરિફમાં વધારો કરવાની ચિમકી આપતા ભારત અને જેમ એન્ડ જ્વલેરી ઉદ્યોગ ચિંતામાં મુકાઇ ગયો છે. જેમ એન્ડ જ્વેલરી ઉદ્યોગ ભારતની નિકાસમાં મોટો ફાળો આપે છે.
ટ્રમ્પે કહ્યું છે કે, જે દેશે અમેરિકા પર જેટલો ટેરિફ નાંખ્યો હશે અમેરિકા પણ એટલો જ ટેરિફ નાંખશે. ભારતના કટ એન્ડ પોલીશ્ડ પર અમેરિકામાં શૂન્ય ટકા ટેરિફ છે જ્યારે ભારતમાં 5 ટકા ટેરિફ છે. મતલબ કે હવે અમેરિકા પણ કટ એન્ડ પોલીશ્ડ ડાયમંડ પર 5 ટકા ટેરિફ લગાવશે જેથી ડાયમંડ મોંઘા થશે એવું ઉદ્યોગકારોનું માનવું છે. એવી જ રીતે લેબગ્રોન ડાયમંડ માટે અમેરિકામાં 0 ટકા ટેરિફ છે અને ભારતમાં 5 ટકા છે.
કેટલાંક ઉદ્યોગકારોનું કહેવું છે કે, ઙવે ભારતીય જવેલરી ઉદ્યોગકારોએ વિયેતનામથી અમેરિકા નિકાસ કરવી પડશે, કારણ કે વિયેતનામમાં 0 ટકા ટેરિફ છે. જો કે કેટલાંક વેપારીઓનું માનવું છે કે અમેરિકાના ટેરિફ વધારવાથી ડાયમંડ ઉદ્યોગ પર કોઇ મોટી અસર નહીં પડે.