અમેરિકાના પૂર્વ રાષ્ટ્રપતિ જો બાઇડેનને પ્રોસ્ટેટ કેન્સર થઇ ગયું છે. તેમનું આ કેન્સર હાડકાં સુધી ફેલાઇ ચૂક્યું છે. તેનો અર્થ એ થયો કે કેન્સરને હવે સારો નહીં કરી શકાય, પરંતુ સારવારથી તેને થોડા વર્ષો સુધી નિયંત્રિત કરી શકાય છે. નોર્થવેસ્ટર્ન હેલ્થ નેટવર્કના કેન્સર પ્રોગ્રામના મેડિકલ ડિરેક્ટર ડૉ. ક્રિસ જોર્જનું કહેવું છે કે, પ્રોસ્ટેટ કેન્સર જ્યારે હાડકાં સુધી ફેલાય જાય છે, ત્યારે તેની સારવાર સંભાવ નથી, પરંતુ તેને થોડા વર્ષો સુધી નિયંત્રિત કરી શકાય છે.
તેમણે કહ્યું કે, જ્યારે કેન્સર હાડકાં સુધી ફેલાય જાય છે, તો તેનો અર્થ એ છે કે તે સ્ટેજ 4નું કેન્સર છે. તેનો અર્થ એ છે કે કેન્સરની સારવાર સંભાવ નથી. તેની કોઇ સારવાર નથી, જે તેને સારી કરી શકે, પરંતુ તમે તેને થોડા વર્ષો સુધી નિયંત્રિત કરી શકો છો. 2-3 વર્ષ સુધી તેને નિયંત્રિત કરી શકાય છે, પરંતુ કેટલાક ભાગ્યશાળી દર્દી 4-5 કે તેથી વધુ સમય સુધી કંટ્રોલ કરી શકાય છે. જાહેર કરવામાં આવેલા નિવેદન અનુસાર, 82 વર્ષીય બાઇડેનને છેલ્લા કેટલાક સમયથી પેશાબ કરવામાં પરેશાનીનો સામનો કરવો પડી રહ્યો હતો. ડૉક્ટર પાસે જવા પર તેમને પ્રોસ્ટેટ કેન્સર હોવાનું જાણવા મળ્યું હતું. સારવાર માટે ઉપલબ્ધ વિકલ્પો પર વિચાર કરી રહ્યા છીએ.
ઓર્લન્ડો હેલ્થ મેડિકલ ગ્રુપના યુરોલોજિસ્ટ ડૉ. જૈમિન બ્રહ્મભટ્ટે કહ્યું કે બાઇડેનની એન્ડ્રોજન થેરાપી થઇ શકે છે. જે દર્દીઓમાં પ્રોસ્ટેટ કેન્સરની જાણકારી મળે છે, તેમાંથી મોટાભાગનાની સારવાર ડાયગ્નોસિસ સાથે ચાલુ થઇ જાય છે. આ રીતે એન્ડ્રોજન ડિપ્રિવેશન થેરાપી સાથે સારવાર શરૂ થાય છે, જે એક પ્રકારે હોર્મોન કાસ્ટ્રેશનની જેમ છે. તેની મદદથી, કેન્સરને ધીમું કરવાનો પ્રયાસ કરવામાં આવે છે. ઉલ્લેખનીય છે કે, અમેરિકાના રાષ્ટ્રપતિની ચૂંટણી દરમિયાન બાઇડેનની શારીરિક અને માનસિક સ્થિતિની ખૂબ ચર્ચામાં રહી હતી. શારીરિક પરેશાનીઓના કારણે, બાઇડેન રાષ્ટ્રપતિ પદની રેસમાંથી હટી ગયા અને તેમની જગ્યા ડેમોક્રેટિક પાર્ટી તરફથી કમલા હેરિસ ઉભા થયા હતા.