fbpx
ખેલ

બાઉન્ડ્રી લાઇન પર હવામાં કૂદીને પકડાતા કેચ માટેનો આ નિયમ બદલાયો, હવે આવા કેચ નહીં ચાલે

June 15, 2025
Zeel Raval
Spread the love
Post Views: 72
બાઉન્ડ્રી લાઇન પર હવામાં કૂદીને પકડાતા કેચ માટેનો આ નિયમ બદલાયો, હવે આવા કેચ નહીં ચાલે

ક્રિકેટમાં સમયાંતરે નવા નિયમો આવવા સામાન્ય વાત છે, પરંતુ આ વખતે MCC (મેરીલબોન ક્રિકેટ ક્લબ) અને ICC (આંતરરાષ્ટ્રીય ક્રિકેટ કાઉન્સિલ) સાથે મળીને એક મોટો ફેરફાર કરવા જઈ રહ્યા છે. આ ફેરફાર ખાસ કરીને તે કેચ સાથે સંબંધિત છે, જે બાઉન્ડ્રી લાઇનની નજીક હવામાં કૂદીને લેવામાં આવે છે. જેને સામાન્ય રીતે ‘બન્ની-હોપ’ કેચ કહેવામાં આવે છે.

આવા કેચમાં ફિલ્ડર બાઉન્ડ્રી લાઇનની બહાર ઉભો રહીને હવામાં કુદે છે અને પછી બોલને ફરીથી અંદર ફેંકે છે અથવા તેને કેચ કરવાનો પ્રયાસ કરે છે. આ ટેકનિક ક્યારેક ખૂબ સારી લાગે છે, પરંતુ હવે તેને ક્રિકેટના નિયમો વિરુદ્ધ ગણવામાં આવશે. IPLમાં ડેવાલ્ડ બ્રેવિસે પંજાબ કિંગ્સ સામે લીધેલો કેચ હવે માન્ય રહેશે નહીં.

MCCના નવા નિયમ મુજબ, હવે બાઉન્ડ્રીની બહાર હવામાં ઉડતો ફિલ્ડર બોલને ફક્ત એક જ વાર સ્પર્શ કરી શકે છે. જો કેચ પૂર્ણ કરવો હોય, તો ફિલ્ડરે બાઉન્ડ્રી લાઇનની અંદર આવીને તેને પૂર્ણ કરવો પડશે. બાઉન્ડ્રી લાઇનની બહાર હવામાં બોલને સ્પર્શ કરવો કે પકડવો હવે માન્ય ગણવામાં આવશે નહીં. આવા કેચ ત્યારે જ માન્ય રહેશે જ્યારે ફિલ્ડર બોલ પકડતી વખતે અને જમીન પર ઉતરતી વખતે મેદાનની બાઉન્ડ્રી લાઇનની અંદર સંપૂર્ણપણે હોય. ICCએ આ મહિનાથી તેનો અમલ કરવાનો નિર્ણય લીધો છે. જ્યારે MCCના સત્તાવાર નિયમોમાં આ ફેરફાર ઓક્ટોબર 2026થી અમલમાં આવશે.

આ વીડિયોમાં તમે જે કેચ જુઓ છો તે ICC અને MCCની નજરમાં માન્ય રહેશે. આ વીડિયોમાં, હરલીન દેઓલે બાઉન્ડ્રીની અંદર હવામાં કૂદીને બોલ પકડ્યો અને તે પછી તે બોલ ઉછાળીને બાઉન્ડ્રીની બહાર ગઈ. તે પછી તેણે બાઉન્ડ્રીની અંદર આવી અને કેચ પૂર્ણ કર્યો. આ કેચ હજુ પણ સંપૂર્ણપણે માન્ય છે.

BBL 2023માં લેવાયેલો કેચ આજ સુધી હેડલાઇન્સમાં રહે છે. આ કેચ પછી વિવાદ પણ વધ્યો. માઈકલ નેસરે બાઉન્ડ્રી લાઇનની પાર હવામાં બે થી ત્રણ વખત બાઉન્ડ્રીની અંદર બોલ પકડ્યો હતો. જેને નિયમો હેઠળ યોગ્ય માનવામાં આવ્યું હતું. ત્યારપછી આ અંગે ચર્ચા શરૂ થઈ. 2020ની મેચમાં રેનશો સાથે પણ આવો જ કિસ્સો બન્યો હતો. રેનશોએ બાઉન્ડ્રીની બહારથી બોલ ફેંક્યો અને પછી સાથી ખેલાડી ટોમ બેન્ટને આ કેચ પૂર્ણ કર્યો.

આ વર્ષની શરૂઆતમાં, MCCએ ICCને એક સત્તાવાર પ્રસ્તાવ મોકલ્યો હતો અને ‘બન્ની-હોપ’ કેચ અંગે ચિંતા વ્યક્ત કરી હતી. MCC માનતું હતું કે બાઉન્ડ્રી લાઇનની બહાર ઉભા રહીને વારંવાર બોલને હવામાં સ્પર્શ કરવો અથવા ફેંકવો એ ક્રિકેટની રમતગમતની ભાવનાની વિરુદ્ધ છે અને તેના પર પ્રતિબંધ મૂકવો જોઈએ. MCCએ સ્પષ્ટ કર્યું કે હવે એવા કેચને માન્યતા આપવામાં આવશે નહીં જેમાં ફિલ્ડર સંપૂર્ણપણે બાઉન્ડ્રીની બહાર ઉભો રહે અને હવામાં રહીને બોલને હેન્ડલ કરવાનો પ્રયાસ કરે. જો કે, તેમણે એ પણ સ્પષ્ટ કર્યું કે, જો કોઈ ખેલાડી મેદાનની અંદરથી હવામાં બોલ ફટકારે છે, પછી બાઉન્ડ્રીની બહાર જાય છે અને ફરીથી મેદાનમાં પાછો ફરે છે અને કેચ પૂર્ણ કરે છે, તો તે કેચ માન્ય ગણવામાં આવશે.

Leave a Reply

error: Content is protected !!